കൈകാട്ടി
വിക്കിപീഡിയ, ഒരു സ്വതന്ത്ര വിജ്ഞാനകോശം.
കേരളത്തിലെ പാലക്കാട് ജില്ലയിലെ ഒരു ചെറിയ ഗ്രാമമാണ് കൈകാട്ടി. നെന്മാറ ഗ്രാമത്തില് നിന്നും 26 കിലോമീറ്റര് അകലെയാണ് കൈകാട്ടി.
[തിരുത്തുക] കൈകാട്ടിക്ക് അടുത്തുള്ള വിനോദസഞ്ചാര സ്ഥലങ്ങള്
നെന്മാറയില് നിന്നു മാത്രമേ നെല്ലിയാമ്പതിയിലേക്ക് പോകാനാവു. നെല്ലിയാമ്പതി പ്രദേശത്തെ ആദ്യത്തെ പട്ടണമായ കൈകാട്ടി നെന്മാറയില് നിന്ന് 26 കിലോമീറ്റര് അകലെയാണ്. കൈകാട്ടിയില് നിന്ന് 9 കിലോമീറ്റര് അകലെയുള്ള പോത്തുണ്ടി ഡാം അടുത്തുള്ള നെല്വയലുകളില് കാര്ഷിക ജലസേചനത്തിന് ജലം നല്കുന്നു. നെല്ലിയാമ്പതി മലയുടെ താഴ്വാരത്തിലാണ് ഈ അണക്കെട്ട്. ഇവിടെ നിന്ന് 17 റോഡ് കിലോമീറ്ററോളം വളഞ്ഞുപുളഞ്ഞ് മുകളിലേക്ക് പോവുന്നു. ധാരാളം ഹെയര്പിന് വളവുകള് ഈ വഴിയില് ഉണ്ട്.പോത്തുണ്ടി ഡാം കഴിയുമ്പോള് കാണുന്ന സര്ക്കാര് വനങ്ങളില് ഭീമാകാരമായ തേക്ക് മരങ്ങളെ കാണാം. അടുത്തുതന്നെ പ്രശസ്ത തെയില ഉല്പാദകരായ എ.വി. തോമസ് ആന്റ് കമ്പനിയുടെ മണലരൂ എസ്റ്റേറ്റ് തെയിലത്തോട്ടങ്ങള് ഉണ്ട്. വീക്കേ തെയില കമ്പനിയുടെ ചന്ദ്രമല എസ്റ്റേറ്റും അടുത്തുതന്നെയാണ്.
എല്ലാ തെയില കാപ്പി തോട്ടങ്ങളും ബ്രിട്ടീഷുകാര് സ്ഥാപിച്ചതാണ്. ഇവ പിന്നീട് തദ്ദേശീയര്ക്ക് വില്ക്കുകയായിരുന്നു. ഇവിടെ ബ്രിട്ടീഷുകാര് നടത്തിയ നിര്മ്മാണ പ്രവര്ത്തനങ്ങള് പ്രദേശത്തെ തണുത്ത കാലാവസ്ഥയ്ക്ക് അനുയോജ്യമായ വിധത്തിലായിരുന്നു.
ഇവിടത്തെ മറ്റൊരു പ്രശസ്ത വിനോദസഞ്ചാര ആകര്ഷണമാണ് സീതാര്കുണ്ട്. രാമായണത്തിലെ രാമനും ലക്ഷ്മണനും സീതയും ഇവിടെ ജീവിച്ചിരുന്നു എന്നും സീത ഇവിടത്തെ അരുവിയിലെ വെള്ളം കൊണ്ട് പ്രാര്ത്ഥനകള് അര്പ്പിച്ചിരുന്നു എന്നുമാണ് വിശ്വാസം.
തെയിലത്തോട്ടങ്ങളിലെ തൊഴിലാളികള് പ്രധാനമായും തമിഴ്നാട്ടില് നിന്നും വന്നവരാണ്. 'പടി' എന്നു വിളിക്കുന്ന കുടിലുകളിലാണ് ഇവരെ താമസിപ്പിച്ചിരിക്കുന്നത്. മണലരൂ എസ്റ്റേറ്റ് തൊഴിലാളികള്ക്കും അവരുടെ മക്കള്ക്കും വേണ്ടി ഒരു വിദ്യാലയവും ആശുപത്രിയും നടത്തുന്നു.