Блаже Конески

Од Википедија, слободна енциклопедија

Блаже Конески
Роден	19 декември, 1921 Небрегово, Прилепско, Република Македонија
Починал	7 декември, 1993 Скопје, Република Македонија

Блаже Конески (19 декември 1921, Небрегово, Прилепско - 7 декември 1993, Скопје) е втемелувач и еден од кодификаторите на современиот македонскиот литературен јазик и виден книжевен, културен и јавен работник: поет, прозаист, есеист, литературен историчар, филолог и лингвист, преведувач и професор на Филозофскиот факултет во Скопје.

Студирал философија на универзитетите во Белград и Софија (под името Благоj Конев). По ослободувањето, активно се вклучува во стандардизирањето на македонскиот јазик. Го составил правописот на македонскиот литературен јазик, а истотака бил уредник на „Речникот на македонскиот јазик“. Основач е на студиите по македонистика на Скопскиот универзитет (од 1958 до 1960 бил негов ректор). Во 1967 станува член на Македонската академија на науките и уметностите (МАНУ) и е нејзин прв претседател (до 1975). Истотака бил член Македонскиот ПЕН центар и член на Друштвото на писателите на Македонија (ДПМ) од 1947 година и негов прв претседател.

Работел и како уредник на литературните списанија "Нов Ден" и "Македонски јазик".

Блаже Конески е круцијална фигура во развојот на македонскиот јазик, но е значаен и во меѓународни рамки. Бил член на академиите на науки и уметности во Загреб, Белград, Сараево, Чикаго и Лоѓ и почесен доктор на универзитетите во Чикаго, Краков и Скопје. Неговите дела се преведени на српскохрватски, словенечки, албански, турски, унгарски, француски, руски, италијански, грчки, полски, романски, германски и англиски јазик.