Reykjavìk
From Wikipedia
 |
Cheest artícul al è scrivüü in koiné uçidentala, urtugrafía ünificada. |
La citaa de Reykjavik l'è la capitaal e la citaa püssee pupulada de l'Islànda; la sa tröva in sü la Baja de Faxaflòi, in del südovest de l'isula. In de l'ann 2005, la gh'era 114.800 abitaant, anca se cunt la sò area metrupulitana la riva a quasi 190.000.
Ul sò nòmm al vöör dì Baja de la fümera, vist la presenza de surgeent còolt in de l'area inturnu.
La citaa l'è stada prubabilmeent fundada da Ingólfur Arnarson inturnu a l'ann 845 e praticameent fin al sécul XVIII l'era staa un paesinn de pescaduur e cuntaditt. Inturnu al 1750 al cumencja un cicinin de svilüpp indüstriaal (indüstria furestaal, pesca, minieer de zuulf, custrüzziun de naaf).
In del 1845 l'è staa spustaa ul parlameent islandees, l'Alþingi, cha fin da l'ann 930 al surgeva a Þingvellir.
In dii ann '20 e '30 la citaa la s'è svilüpada cumé center de pesca; in de la segunda guèra mundiaal l'è stada ucüpada in d'una quaj ura da i aleaa, ca g'ann pöö fundaa dü aerupoort. Ul gròss de la sò pupulazziun de adess a l'è rivaa in dii ann dopu la guèra, quand la citaa l'è diventada meta de un muntun de gjuvin imigraant da i campagn de tüta l'Islànda, svujaa da l'emigrazziun pruvucada da la mecanizazziun (e cunsegueent disücupazziun) de l'agricultüra.
In dii ultim trent ann l'è cressüda l'impurtanza internazziunaal de la citaa.
