Tegele
Van Wikipedia
- Dit artikel is gesjreve in 't Tegels. 't Weurt gewaardeerd óm in dit artikel woe meugelik 't Tegels aan te hawte.
Tegele (Tegelen in 't Nederlands)is 'n groeët dörp in de Nederlands-Limburgse gemeinte Venlo, veural in de industrie en religie belangriek. Wies 2001 waar 't 'n zelfsjtendege gemeinte.
[bewirk] Historie
In 720 is waarsjienlik de ierste parochie met kerk gesjtich in naam van Sint Martinus. Heej zien de kerke van Kakerke, Venlo en Belvend oet ongksjtaon. Tegele is wies 1330 ein onaafhankelike heerlikheid gewaes, vanaaf toen beej Gullik en Pruses gehuurd, wies de Franse 't inliefde. Aaf en toe wouwe de Pruse 't weer truuk, maar det is wies vandaag neet mier gelök.
't Tegele van now is ongksjtaon oet de ónkwikkeling van Venlo, alle sjtein veur Venlo zien oet Tegelse klei gegrave in de kleisjoppe en gebakke in de sjteinfabrieke. Beejprodukte van 't kleiwinne waar ónger angere iezererts, daorum haet 't dörp ouch vuël zjwaore industrie, wie 't bekinde Globe-pötdekselfebriek. Ouch ware d'r vuël sigarefebriekskes. Nao de Twiëde Wereldoorlog zien de groëte febrieke langzaam vertrókke.
De naam Tegele is óngksjtaon oet de Romeinse weurd Tegula en Tigleja, die allebei "daakpan" beteikene. Der zien euverbliefsele van Romeinse kampe met klei-koele en panne-aoves gevónge, 't ierste bewies van gebroek van de goje Tegelse klei. 't Is ein van de einige plaatse woe desse dreej kleure klei kens vinge. Tegele is vanaaf toe altied bewoeënd gebleve.
[bewirk] Gebaore in Tegele
- Toine Ambaum (1941), samesjtèller Brónsgreun bukske (sjriefhölp) Nederlands-Tegels (2006)
- Carla Beurskens (*1952), Nederlandse atlete
- Huub Beurskens, Nederlandse sjriever
- Chantal Janzen, musicalsjter en actrice
- Gabi Stoffels, Theater-vormgaefster en beeldend kunstenares
- Huub Stapel, Nederlandse acteur
- Ben Verbong, Nederlandse filmregisseur
- Mariet Verbong, Nederlandse sjriefster (1939-2006)
- André van den Heuvel, Nederlandse acteur
- Piet Killaars, (1922), beeldhouwer
