Sjop
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
't Sjop ies 'n sumpel geboew, woa-in (boere) wèrkgetuug, gereidsjap, materiale, karre en machines weure opgesjlage en bewaard. In 't Nederlands zègke ze loods (of schuur). Hièl dèks ies 't sjop 'n aanboewsel tege eine gevel van 'n boerderie of sjuur. Sóms ies 't 'n lossjtaond optrèksel op 't land of in de wei.
[bewirk] Trivia
't Verkleinwoord van sjop ies sjöpke, neet te verwiesele mèt sjöpke es verkleinwoord van sjöp (Nederlands schop of spade).
De plaatsnaam Sjoppem in de gemeinte Voere zou aafsjtamme van sjop en heim.
[bewirk] Zuug ouch
'n Sjuur ies miè 'n opsjlaag- of veurraodruumde.
'ne Sjtal, ouch dèks 'n eenvoudig boewsel, deent um dere ónderdaak te geve.