Purmerend
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Purmerend is 'n stad en gemeinte in de Nederlandse provincie Noord-Holland. De gemeinte had per juni 2005 77.404 inwoeners en ligk op 'n oppervlak vaan 24,52 km2, woevaan 0,65 km2 water. Purmerend ligk in 't noorde vaan Waterland en is veural groet geweure en forenzestad veur Amsterdam. Binne de gemeinte ligke nog de pläötskes Purmer en Purmerbuurt.
[bewirk] Stadsfuncties
Purmerend is inmiddels e regionaol cintrum es is mèt 'n spoorverbinding verboonde mèt Amsterdam en Hoorn. 't Heet twie staties. Wijers is 't veural 'n slaopstad.
[bewirk] Stadsbild
In Purmerend euverhiers de nuibouw vaan de jaore zesteg en zeveteg. De stad weurt door 't reveerke de Where in twie stökker gedeild. 't Dörpscintrum heet e nog redelik good bewaord Waterlands aonziech.
[bewirk] Historie
Purmerend oontsteit roond 1400 es vlöchtende inwoeners vaan 't dörp Purmer hoegere groond zeuke, dee neet zoe gaw door 't Pumermeer euverstruimp zouw weure. In 1410 maag de stiechter vaan Purmerend, Willem Eggert, hei vaan Wöllem VI van Holland e kestielke bouwe. Dit slót Purmersteijn woort in 1741 aofgebroke. In de volgende iewe oontwikkelde Purmerend ziech tot e regionaol merretcintrum, dewijl ouch de waterdreiging vaan 't Purmermeer door druuglègking teneet gedoon woort. De plaots blaof evels e dörp, tot ze in de jaore zesteg es greujkèrn woort aongeweze: in hiel korten tied greujde ze vaan 10.000 nao 75.000 inwoeners.