Evangelie
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
't Woord evangelie kump van 't griekse woord Euagelion. Dat beteikent: bliej boodsjap. In 't Nuuj testament weurt mèt evangelie de lièr van Christus aangeduud.
't Evangelie sjteit ouch veur de 4 beuk die gesjreve zin door de evangeliste: Mattheus, Marcus, Lucas en Johannes. De verhaole in dees beuk handele euver 't leve van Christus geïnterpreteerd door de gemeinsjap in de 1e hauf ièw nao ziene doad.
De evangelies van Mattheus, Marcus en Lucas (de Synoptici) geven 'n beeld zoawie de beteikenis van Jezus oet mondeling euverlevering ies oetgelag en bewaard. Synoptici ies 'n woord oet 't Grieks en de benaming veur dees evangeliste. Hun drie (ièrsjte) evangelies geve 'n euverziech (synopsis) van 't leve van Christus. De inhoud van dees evangelies lieke qùa inhoud hièl väöl op-ein.
't Evangelie van Johannes en ouch zien breve höbbe ein eige theologie en maken 't beeld van de drie andere aaf.
'n Evangelie ies ouch 'n lezing oet ein van de 4 beuk, die in de Eucharistieviering of H.Mès in de Katholieke kèrk weurt veurgeleze.
't Evangelie van Judas ies 'n gnostisch gesjrief. In 2006 versjient 'n Ingelsje vertaling.