Els Diederen
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
Els Diederen (Sint-Pièter, Valkeberg, 19 november 1946) ies 'n diechteres die sjrief in 't Valkebergs. In 't dageliks leve ies zie o.a. lièrares op 'n basissjoal. Diederen volgde de ónderwiesopleidinge teikene, handvaardigheid en textiele wèrkvörme en in 2004 de ièrsjte pos-hbo-kadercursus Lièrgank Limburgs. Zie ies besjtuurslid en websitemaker van Veldeke-Valkeberg.
Vanaaf 1984 versjiene häör gediechte en artikele in 't Veldeke-orgaan van Veldeke-Limburg en in diverse ander tiedsjriefte. Zie maak ouch 'n aantal tekste en dialekvertalinge van leedsjes. Vanaaf 2005 sjrief ze sjtökskes plat in 't regionaal weekblaad: Heuvelland Actueel.
Op 4 juni 2006 versjeen häöre diechbundel Sjakelt de zinne, es ónderdeil van de LiLiLi-serie.
[bewirk] Publicaties
- 1980: Blomekinger: bundel dialekversjkes veur kinger en kingermusical Blomekinger;
- 1984: 't Valkebergs Leesplenkske; in 2000 ouch es virtueel leesplenkske op de website: [1] .
- 1992 gediechte in de bloomlezing Rierank van Veldeke-Valkeberg
- 1992, 1993, 1994 gediechte in de bloomlezinge 1, 2 en 5 van reeks Veldeke Literair van Veldeke-Limburg.
- 1994: Dialekflora (Lies van volksname van plante, blome, sjtruuk en buim), versjene in 't tiedsjrief van Veldeke.
- 1998: Sjpele mèt weurd en klanke, dialeklèsse veur kinger van groep 7/8 van de basissjoale in Valkeberg aan de Geul.
- 2006: Sjakelt de zinne, gediechtebundel in 't Valkebergs. LiLiLi-reeks nr.52.
beeldgediech © Bómmerig
bak
bliksem