Bernhard Schlink
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
Bernhard Schlink (Großdornberg, 6 juli 1944) ies 'ne Duutsje sjriever en juris.
Schlink greujde op in Heidelberg en sjtudeerde dao rechte. In 1975 promoveerde hae. Saer 2004 ies hae professor in de rechsgesjiedenis aan de Humboldt Universiteit in Berlien.
Zien carrière es sjriever begoes mèt 'n serie detective-romans mèt es hoofpersoon Selb, 'ne naam dae aafgeleid ies van 't Duutsj woord veur "zelf". In 1995 publiceerde hae Der Vorleser ("De veurlezer"), 'ne deils autobiografische roman. 't Book geit euver 'ne tienerjóng dae 'n relatie haet mèt 'n ouwer vrouw die innins verdwient, meh die hae weer truukzuut es 'r es rechtesjtudent 'n zaak euver oorlogsmisdade biewoont. 't Book woort 'ne bestseller en woort in 35 tale vertaald. 't Kreeg versjillende literair pries, ouch boete Duutsjland. In 2000 kaom 'n collectie korte verhaole oet, Liebesflüchten.
[bewirk] Bibliografie
- 1987 - Selbs Justiz
- 1988 - Die gordische Schleife
- 1992 - Selbs Betrug
- 1995 - Der Vorleser (in 't Nederlands vertaald es De voorlezer)
- 2000 - Liebesfluchten (in 't Nederlands vertaald es De liefdesval)
- 2001 - Selbs Mord
- 2006 - Die Heimkehr (in 't NEderlands vertaald es De thuiskomst)
