The Flowers Of Romance
Vu Wikipedia, der fräier Enzyklopedie.
The Flowers Of Romance ass den Numm vun zwou noneneen existéierende Bandformatiounen, déi u sech näicht mateneen ze dinn hunn, ausser datt allebéid am Punk Rock an Neoromantismus unzesidele sinn, och wann een deelweis poppeg Elementer an hirer Musek fënnt. Déi éischt Formatioun huet vun 1976-1977 existéiert an déi zweet vun 1999 bis haut.
Inhaltsverzeechnes |
[Änneren] D'Band
[Änneren] Originalformatioun
- Sid Vicious, Gesank, Saxophon
- Jo Faull, Gittar
- Viv Albertine, Gittar
- Sarah Hall, Bass
- Palmolive, Batterie
[Änneren] Neiformatioun
- Tony Blackplait, Gesank
- Al Vainola, Lead-Gittar
- Roy Strider, Gittar
- Anti Pathique, Bass
- Anneli Kadakas, Batterie
- Tuuliki Leinpere, Gei
- Maarit Kangron, Cello
- Kadi Ristal, Marschtrommel
- Kaupo Kaldmäe, Toun
[Änneren] Gechicht
D'Band gouf am Original 1976 gegrënnt an hat ë.a. als Membere de Sid Vicious (spéider Sex Pistols), de Keith Levene (spéider The Clash an dunn Public Image Ltd., d'Viv Albertine (spéider The Slits), d'Palmolive (spéider The Slits), d'Jo Faull (Frëndin vum Steve Jones vun de Sex Pistols) an d'Sarah Hall (Frëndin vum Paul Cook vun de Sex Pistols). Remarkabel si just d'Nimm vun de Membere vun der Band, déi méi spéit an anere Formatioune bekannt gi sinn. D'Band selwer huet nëmmen e puermol geprouft a sech fir de Rescht gestridden, ni ass eng Plack oder en ëffentlechen Optrëtt dobäi erauskomm. Nodeems datt de Sid Vicious no an no déi gesamt Originalformatioun erausgehäit hat, war et 1977 dann och schonn erëm eriwwer mat deem Projet.
Public Image Ltd. hunn 1981 eent vun hiren Albumen no The Flowers Of Romance benannt.
1999 hunn den Tony Blackplait vu Vennaskond an den Anti Pathique mat weidere Museker eng nei Band ënnert dem Numm The Flowers Of Romance gegrënnt, déi sech als Comeback vum Original gesäit, mee ausser dem Numm an dem Musekstil guer a glat kee Bezuch zur éischter Formatioun huet.
Bis ewell si se duerch d'USA (New York) an Europa (Riga, Paräis, etc.) getourt an hu mat Sue Catwoman eng éischt CD verëffentlecht, an dat dem Image wéinst am Anarcho-Staat Séiland, enger international net unerkannter Mikronatioun op enger Plattform virun der englescher Küst.
[Änneren] Discographie (nëmmen TFoR II)
- Sue Catwoman (2004, EP, MFM Records)
- Sue Catwoman (2004, CD, The Flowers of Romance)
