Plejaden (Astronomie)

Vu Wikipedia, der fräier Enzyklopedie.

Plejaden

D’Plejaden (Siwestäre), och Atlantiden oder Atlantiaden genannt, sinn en openen Stärekoup, déi mam bloussen A ka gutt gesinn ginn. De däitsche Numm vun de Plejaden ass Siebengestirn, Siwe Schwësteren a Kluck. Am Messier-Katalog huet hien Bezeechnung M45. Si sinn Deel vun eiser Galaxie, der Mëllechstrooss.

Well d’ Plejaden scho laang virun der Teleskoperfindung als Stäregrupp bekannt war, ginn traditionell och oft nëmmen déi hellsten Haaptstären als Plejaden bezeechent. A munchen Kulturen an historeschen Duerstellungen ginn nëmmen sechs Stären zu den Plejaden gerechent. De Grond dafir ass Pleione, deen e verännerleche Stär ass. Seng scheinbar Hellegkeet schwankt lues, awer onregelméisseg tëschent déier vum Taygeta an Celaeno, sou datt de Pleione munchmol eréicht da gesinn k a ginn, wann de Celaeno och schon erkannt gëtt. Mat bloussem A sinn dofir, je no Siichtbedingungen, sechs bis néng Stäre ze gesinn.

D’Plejaden sinn vun Mëtt September bis Enn Abrëll um nërdlechen Stärenhimmel ze gesinn.

De Stärekoup läit ronn 430 Liichtjoer vun der Äerd ewech am Stärebild Stéier, an ëmfaasst mindestens 1200 Stäre an ass ronn 125 Milliounen Joerej al.

Am NGC-Katalog sinn d’Plejaden net opgelëscht, dobäi get et am Beräich vun de Plejaden vill Reflexiounsniwwel mat eegenen NGC-Nummeren. Dozou gehéieren de Maja-Niwwel NGC 1432 an de Merope-Niwwel NGC 1435. Nëmmen 36 Bousekonnen oder 0,06 Liichtjoer vum Merope ewech befënd sech de Barnards Merope Niwwel, e besonnesch helle Knuet bannenzech vum NGC 1435 mat der eegener Katalogbezeechnung IC 349.

Déi zwee hellsten Stäre an de Plejaden sinn no Gestalten vun der griichescher Mythologie benannt, dem Titanen Atlas (doduerch den aneren Numm), senger Fra Plejone sowéi vun hiren 7 Duechteren Alkyone, Asterope, Celaeno, Elektra, Maja, Merope an Taygete. D’Plejaden, déi als Nymphen anzeuerdnen sinn, hunn den Dionysus an den Zeus groussgezunn. Der Mythologie no, goufen si vum Orion verfollegt. Den Zeus huet si als Stärebild op den Himmel versat, awer och hei ginn si vum Orion verfollegt, deem säi Stärebild sech ronn 30° südwestlech vun de Plejaden befënnt.

Die Plejaden galten in fast allen Kulturen als besondere Sterne, z. B. bei den Babyloniern, die die magische Zahl vierzig damit begründen, oder im Werk Hesiods. Eine Gruppe von sieben Sternen auf der Himmelsscheibe von Nebra und eine Gruppe sechs gezeichneter Punkte in den Höhlen von Lascaux oberhalb des Auerochsen werden ebenfalls mit den Plejaden identifiziert.

De japanesche Numm vun de Plejaden ass Subaru. D’Markenzeechen vum Autohirsteller mam selwechtem Numm weist dofir sechs Stären op ähnleche Positiounen.

All 18.6 Joer kënnen d’Plejaden iwwer e längeren Zäitraum vum Mound bedeckt ginn. Eng neierlech Serie huet 2005 ugefaangen an hällt 2009 op. Zu Lëtzebuerg sinn folgend Plejadenbedeckungen an deenen nächste Joeren ze gesinn:

27. Januar 2007 (18:15 Auer MEZ), 24. Februar 2007 (00:45 Auer MEZ), 7. August 2007 (01:30 Auer MESZ), 28. Oktober 2007 (01:00 Auer MESZ), 21. Dezember 2007 (22:45 Auer MEZ), 12. Mäerz 2008 19:15 Auer MEZ), 23. August 2008 (vu Mëtternuecht mat Moundopgang), 20. September 2008 (05:00 Auer MESZ), 13. November 2008 (19:15 Auer MEZ), 7. Januar 2009 (18:30 Auer MEZ), 18. Juli 2009 (03:15 Auer MESZ), 7. Oktober 2009 (23:45 Auer MESZ, ganz no derbäi) an den 29. Dezember 2009 (03:15 Auer MEZ).

Dono muß bis zum Joer 2024 gewaart ginn, bis de Mound nees Kurs op die Plejadenstäre hëllt.