Marcel Reuland
Vu Wikipedia, der fräier Enzyklopedie.
De Marcel Reuland, gebuer de 16. Mäerz 1905 zu Iechternach, a gestuerwen zu Lëtzebuerg (Stad) den 21. Oktober 1956 war e lëtzebuergesche Schrëftsteller.
[Änneren] Säi Liewen
De Marcel Reuland koum als éischt vun aacht Kanner vum Professer Michel Reuland (1877-1955) zu Iechternach op d'Welt. Nodeems de Papp 1921 seng Ernennung zum Schoulinspekter fir de Bezierk Lëtzebuerg krut, ass hie mat der Famill an d'Stad geplënnert. No der Première am Kolléisch huet de Marcel Reuland am Cours Supérieur Philologie a Philosophie studéiert. Dat Studium huet en awer eréischt fäerdeggemaach, nodeems en zu Antwerpen Economie geléiert hat a keng Plaz zu Lëtzebuerg fonnt hat. Dat huet hien dozou bruecht fir Literaturwëssenchaft ze léieren. Am Mäerz 1934 huet e promovéiert; seng Léierfächer goufe Latäin a Franséisch. Während dem Zweete Weltkrich war hien, mat kuerzen Ënnerbriechungen, an der Industrie- an Handelsschoul um Lampertsbierg ugestallt.
[Änneren] Säi literarescht Wierk
Dem Reuland säi Wierk huet hie net an der opfälleger Iechternacher Mondaart geschriwwen. Villäicht léisst sech d'Iechternacher Gemeng dowéinst nach e bëssen Zäit mat enger Erënnerungplack op sengem Elterenhaus. Seng Schreifsprooch war eng Mëschung tëscht dem Méischtrefer vu sengem Papp an dem Beeforter vu senger Mamm.
[Änneren] D'Kaméidistécker
- D'Spill vun der Bidden
- Op der Kirmes
- Gudd Noperen
- De Friddche muss dru gläwen
- De Friddche get Dokter
- De Märtes a seng Wonnergei
- D'Guckucksblummen
[Änneren] D'Gedichter
[Änneren] Editiounen
- 1969 koum Dem Marcel Reuland sai Wierk "erausgin a Verlag vun der Madame Marcel Reuland" , a gedréckt an der "Imprimerie Centrale" eraus. Mat engem kuerze Virwuert vum Fernand Hoffmann.
- Am Oktober 2005, mat Zäit fir dem Reuland säin 100. Gebuertsjoer, koum eng Neioplo eraus. Esou ass dem Marcel Reuland säi Wierk iwwerhaapt nees ze kréien, an dat an der "offizieller" Schreifweis.
[Änneren] Verschiddenes
- De 27. September 2005 huet d'Post an hirer Timber-Serie "Bekannte Perséinlechkeeten" een erausgi mam Marcel Reuland drop. De Kofferstéch ass vum Guillaume Broux vu Malines. De Postwäert ass 0,90 €.
