Leo Trotzki

Vu Wikipedia, der fräier Enzyklopedie.

De Lew Dawidowitsch Trotzki (och Leo Trotzki; russesch Лев Давидович Троцкий; gebuer als Lew Dawidowitsch Bronstein; russesch Лев Давидович Бронштейн; gebuer de 26. Oktober/7. November 1879 zu Janowka, (Ukraine) a gestuerwen den 21. August 1940 zu Coyoacán am Süde vu Mexiko Stad) war e russesche Politiker a Revolutionär.

Den Trotzki gouf 1899 wéint politischer Agitatioun a Sibirien verbannt an ass 1902 an d'Ausland geflücht.

1902 huet hie sech de Menschewiki ugeschloss a gouf 1905 de Chef vum Aarbechtersowjet vu Sankt Péitersbuerg.

Nodeems hien nees eng Kéier an d'Verbannung geschéckt ginn ass, huet hien a verschiddenen europäesche Groussstied an an den USA als Journalist gelieft.

Am Mee 1917 ass den Trotzki a Russland zréckgaang an huet do zesumme mam Lenin an de Bolschewiki, als zweete Mann am Zentralcomité a Politbüro d'Oktoberrevolutioun virbereet a gehollef se duerchzeféieren.

1917/18 war den Trotzki Chef vun der russescher Delegatioun bei de Friddensverhandlungen zu Brest-Litowsk an huet schliisslech no laangem Palaver de Friddensvertrag fir Russland ënnerschriwen.

Dem Trotzky säi Büro, an deem hien doutgeschloe gouf

1918 bis 1924 huet hien d'Rout Arméi opgebaut an huet dës och während em Biergerkrich (1918 bis 1922) géint d'Menschewiki kommandéiert.

Am Muechtkampf nom Lenin sengem Dout (1924) huet den Trotzki géint de Stalin verluer. Wéi den Trotzki dem Stalin seng politesch Decisiounen oppe kritiséiert huet, gouf hien 1927 aus der kommunistescher Partei ausgeschloss. 1928 gouf hien a Kasachstan verbannt an 1929 ausgewisen.

Am Exil huet hie mat senge Verëffentlichungen de Stalinismus bekämpft an 1938 déi 4. International gegrënnt.

Hie gouf 1940 a Mexiko am Optrag vum Stalin vun engem spueneschen Agent, dem Jaime Ramón Mercader del Río Hernández, deen dowéinst de Gielchen Held vun der Sowjetunioun krut, mat enger Äispiosch ëmbruecht.