2-Euro-Gedenkmënzen
Vu Wikipedia, der fräier Enzyklopedie.
2-Euro-Gedenkmënzen si Mënze vun der gemeinsamer europäescher Währung, dem Euro, am Wert vun 2,- €, déi en aneren Design op der nationaler Säit hunn ewéi deen üblechen.
Kuckt och den Artikel Euromënzend'Artikelen [[{{{2}}}]] an [[{{{3}}}]]d'Artikelen [[{{{4}}}]], [[{{{5}}}]] an [[{{{6}}}]]d'Artikelen [[{{{7}}}]], [[{{{8}}}]], [[{{{9}}}]] an [[{{{10}}}]]. 
Vun 2003 un hunn d'Memberstaaten vun der Euro-Zon d'Méiglechkeet, ënner gewësse Conditiounen, deeër Mënzen erauszeginn. Mat hinne kann an der ganzer Euro-Zon bezuelt ginn.
Inhaltsverzeechnes |
[Änneren] 2004
2004 hunn dat 4 Länner aus der Euro-Zon gemaach: Griicheland mat enger Gedenkmënz fir d'Olympesch Spiller zu Athen, Finnland mat engem 2-Euro-Stéck fir un d'EU-Erweiderung z'erënneren, Lëtzebuerg, wou ee sech freet, wat genee commémoréiert soll ginn, well et just de Portrait vum Groussherzog Henri an engem aneren Design weist, an Italien, dat eng Mënz zum "World Food Programme" vun der FAO erausginn huet.
[Änneren] 2005
2005 huet am Februar d'Lëtzebuerger Zentralbank eng Commemoratiounsmënz erausginn, fir un de 50. Gebuertsdag vum Grand-Duc Henri an den 100. Doudesdag vum Groussherzog Adolphe z'erënneren. De Grand-Duc ass och op engem belschen 2-Euro-Stéck ze gesinn, wou en zesumme mam belsche Kinnek Albert II. drop ass, fir de 75. Joresdag vun der UEBL ze commemoréieren. D'Spuenier gedenken dem 400. Anniversaire vum Don Quixote (deem säin Auteur Miguel de Cervantes schonn op de 'gielen' Cent-Mënzen dropp ass), d'Éisträicher de 50 Joer vun hirem Staatsvertrag, Finnland senger Memberschaft an der UNO an Italien der Ënneschreft vun der Europäescher Constitutioun zu Roum, dat Joer virdrunn.
[Änneren] 2006
2006 huet Däitschland eng Serie ugefaangen, op deer d'Bundeslänner zu Éiere kommen. Dat éischt ass Schleswig-Hollstein, ze gesinn ass d'Lübecker Holstentor. Lëtzebuerg wierdegt dem Ierfgroussherzog Guillaume säi 25ste Gebuertsdag, an d'Italiener maache fir d'Olympesch Wanterspiller zu Turin Reklamm. D'Belsch weisen houfreg den Atomium, dee frësch restauréiert gouf, an d'Finnen erënneren un d'Aféiere vum Allgemenge Walrecht virun 100 Joer.
Zënter 2004 hunn och San Marino an de Vatikan all Joers an homeopatheschen Dosen Extra-Mënzen erausbruecht.
[Änneren] 2007
2007 ginn all d'Memberlänner vun der Eurozone eng Gedenkmënz fir d'50järegt Bestoe vun de Réimeschen Traitéen eraus. D'Opschrëft ass an deene verschiddene Landessproochen; soss ass den Design d'selwescht.
Ausserdeem fiert Däitschland viru mat senger Serie iwwert d'Bundeslänner, 2007 ass Mecklenburg-Vorpommern mam Schweriner Schlass un der Rei. Portugal bréngt seng éischt Gedenkmënz eraus, déi seng EU-Presidence, am 2. Semester, als Sujet huet.
