Condistat

Condistat (Germanice: Bad Cannstatt) hodie suburbium Stuttgarti est ad ripam Neccari situm et circiter septuaginta milia incolarum habet. Oppidi thermae valde populares sunt. Verbum germanicum "Bad" thermas indicat.

Quotannis de fine mensis Septembris ad initium mensis Octobris celeberrima solemnia Condistatis popularia habentur. Solemnium initium hebdomada post solemnia Octobria (verius Septembria) Monaca est.

[recensere] De Aevo Romano

castellum Romanum hodiernum

In aevo Romano maius oppidum fuit, fortasse etiam caput Romani civitatis fuit. Romani regionem circiter anno XC occupaverunt. Fortasse anno LXXXV vel XCVIII p. C. n. erat. Romani castellum aedificaverunt in montem et ibi Alam I Subulorum collocabant. Condistat castra stativa erat inter castra quae in Moguntiaco et castra quae in Augusta Vindelicorum conlocata erant. Castellum verisimiliter usque ad annum CLIX p. Chr. n. ibi erat, cum limes Romanus occidentem versus promovebatur. Non solum legionarii, sed etiam multi cives ibi habitabant. Sed archaeologi adhuc aedificia magna Romana sicut aquaeductum vel amphitheatrum non inveniebant. Finis Condistatis oppidi Romani fuit cum Alamanni regionem invadebant circiter anno CCLX. Nomen latinum oppidi noniam scimus, sed iam saeculo VIII nomen Condistatis invenitur. Nonnulli putant Condistatis nomen ab „urbis conditae“ nomine provenire. Sed archaeologus C. S. Sommer putat Condistatem "Civitatem Aureliam G" esse. Hoc nomen in vetere inscriptione Romana inveniebatur. Alii putant nomen Celticum esse. Celtice *Kondâti- confluentiam significat. Ex quo nomine Celtico Alamannicum verbum *Chandez ortum esse putant. Etiam alii loci circum Condistatem nomina Celtica habent, sicut Virtem in Virtembergi verbo vel „Prag“.