Amiralis
E Vicipaedia
Amīrālis -is, m., Arabice امير "imperator, dictator, phylarchus", figuris latinis complurimis ac variis: amirallus, amiralius, amirarius, amiraldus, admiralis, admirallus, admiralius, admirararius, almirallus (paene omnes huius verbi figurae incorporant articulum arabicum ال al, quod saepissime امير sequitur) ex etymologiis falsis vidimus quoque formas verbis latinis adsimilatas: admirabilis, admirandus, admiratus. Latinitate pura Phylarchus.
Primum titulus proli Mahommeti datus, dein aliquot post saeculis variis regulis et praefectis dabatur.
Verbum quoque in rebus minus gravibus utitur, exampli gratia, qui mystagogus in urbem Meccam dicitur emir hadji, praefectus classis emir al-bahr, unde linguis europaeis "amiralis maris" (hodie modo "admiralem" dictus.)
Caliphae ottomani titulo Amirmumnes, id est emir al mumemnin "Imperator Fidelium" utebantur.
In nonnulis nationibus arabicis huius aetatis rex hoc titulo, aliis regis progenies, praesertim filius successurus, designatur.
