სააკაშვილი, მიხეილ

ვიკიპედიიდან

მიხეილ სააკაშვილი (დ. 21 დეკემბერი, 1967, თბილისი) - ქართველი სახელმწიფო და პოლიტიკური მოღვაწე, საერთაშორისო სამართლის დოქტორი, საქართველოს პრეზიდენტი 2004 წლის იანვრიდან, პოლიტიკური ორგანიზაციის "ერთიანი ნაციონალური მოძრაობა" დამფუძნებელი და ლიდერი.

სექციების სია 1 განათლება 2 სამსახურებრივი საქმიანობა 3 სხვადასხვა 4 რესურსები ინტერნეტში

[რედაქტირება] განათლება

• 1984 - ოქროს მედლით დაამთავრა თბილისის 51-ე საშუალო სკოლა.
• 1992 - წარჩინებით დაამთავრა კიევის უნივერსიტეტის საერთაშორისო სამართლის ფაკულტეტი.
• 1993 - მიიღო სტრასბურგის (საფრანგეთი) ადამიანის უფლებათა საერთაშორისო ინსტიტუტის დიპლომი ადამიანის უფლებათა საერთაშორისო სამართალში.
• 1994 - ნიუ-იორკის კოლუმბიის უნივერსიტეტის იურიდიულ ფაკულტეტზე დაიცვა სამართლის მაგისტრის ხარისხი. ხსენებული უნივერსიტეტის მაგისტრატურაში ის სწავლობდა, როგორც ამერიკის შეერთებული შტატების კონგრესის სტიპენდიანტი.
• 1995-1996 - სწავლობდა ჯორჯ ვაშინგტონის უნივერსიტეტის დოქტორანტურაში.

[რედაქტირება] სამსახურებრივი საქმიანობა

• სხვადასხვა დროს მუშაობდა ნორვეგიის ადამიანის უფლებათა ინსტიტუტში (ოსლო), ნიუ-იორკის ერთ-ერთ უდიდეს საადვოკატო ფირმაში.
• 1995-1999 - საქართველოს პარლამენტის წევრი.
• 1995 - არჩეულ იქნა საქართველოს პარლამენტის საკონსტიტუციო, იურიდიულ საკითხთა და კანონიერების კომიტეტის თავმჯდომარედ.
• 2000, 24 იანვარი - აირჩიეს ევროსაბჭოს საპარლამენტო ასამბლეის ვიცე - პრეზიდენტად.
• 2000, 12 ოქტომბერი - დაინიშნა საქართველოს იუსტიციის მინისტრად.
• 2001, სექტემბერი - ე. შევარდნაძის პოლიტიკური კურსისა და მთავრობაში გამეფებული კორუფციისადმი პროტესტის ნიშნად გადადგა მინისტრის თანამდებობიდან. ჩამოაყალიბა ოპოზიციური პოლიტიკური ორგანიზაცია - ერთიანი ნაციონალური მოძრაობა.
• 2001, 21 ოქტომბერი - როგორც დამოუკიდებელი კანდიდატი, არჩეულ იქნა ქ. თბილისის ვაკის რაიონის მაჟორიტარ დეპუტატად.
• 2002 - არჩეულ იქნა ქ. თბილისის საკრებულოს თავმჯდომარედ.
• 2003 წლის 14 ნოემბერს, აღნიშნული წლის 2 ნოემბრის საპარლამენტო არჩევნების შედეგების ტოტალური გაყალბებისადმი პროტესტის ნიშნად, მისი თაოსნობით საქართველოში დაიწყო მშვიდობიანი სამოქალაქო დაუმორჩილებლობა, რაც დასრულდა 23 ნოემბრის მშვიდობიანი რევოლუციით (რომელიც მსოფლიოში ცნობილია "საქართველოს ვარდების რევოლუციის" სახელით) და ე. შევარდნაძის და მისი რეჟიმის გადადგომით.
• 2004, 4 იანვარი - მიხეილ სააკაშვილი არჩეულ იქნა ქვეყნის პრეზიდენტად. მისი ოფიციალური ინაუგურაცია შედგა თბილისში, 2004 წლის 25 იანვარს.

[რედაქტირება] სხვადასხვა

• 2004 - საქართველოს პრეზიდენტი დაჯილდოვდა ევროკავშირის არაწევრი ქვეყნებიდან "წლის ევროპელი"-ს ყოველწლიური პრემიით.

• 2005 - დემოკრატიის განვითარებაში შეტანილი წვლილისათვის მიხეილ სააკაშვილი და უკრაინის პრეზიდენტი ვიქტორ იუშჩენკო აშშ-ის კონგრესის მიერ წარდგენილ იქნენ ნობელის მშვიდობის პრემიაზე.

შეცვალა: ნინო ბურჯანაძე

პრეზიდენტი 2004–დღემდე

შემდეგი: უცნობია

[რედაქტირება] რესურსები ინტერნეტში

• საქართველოს პრეზიდენტის ოფიციალური გვერდი