ვირსალაძე, ელისო
ვიკიპედიიდან
ელისო კონსტანტინეს ასული ვირსალაძე (* 14 სექტემბერი, 1942, თბილისი), ქართველი პიანისტი. საქართველოს სსრ სახალხო არტისტი (1974). ა. ვირსალაძის შვილიშვილი და მოწაფე.
1964 დაამთავრა თბილისის კონსერვატორია. ასპირანტურის კურსი გაიარა მოსკოვის კონსერვატორიაში პროფ. ი. ზაკის ხელმძღვანელობით. მსოფლიო ახალგაზრდობის ვენის მუსიკალური ფესტივალის ლაურეატი (1959).
ვირსალაძის ხელოვნებამ ფართო საერთაშორისო აღიარება მოიპოვა. იგი მოსკოვის საკავშირო (1961, III პრემია) და ჩაიკოვსკის სახელობის საერთაშოთისო (1962, III პრემია) კონკურსების, აგრეთვე ცვიკაუს (გფრ) შუმანის სახელობის საერთაშოთისო კონკურსის (1966, I პრემია) ლაურეატია.
ვირსალაძის შესრულება გამოირჩევა მაღალი მუსიკალური კულტურით, ვირტუოზული ტექნიკითა და არტისტიზმით. მისი რეპერტუარი ფართო და მრავალფეროვანია. 1970-იდან ვირსალაძე მოსკოვის კონსერვატორიის პედაგოგია.