Lingua espaniol

De Wikipedia, le encyclopedia libere

Le espaniol es un lingua originalmente del region de Castilia (ab ubi illo deriva su altere nomine castiliano), e illo es parlate actualmente, in addition a Espania, in numerose paises del continentes american. Le lingua castilian es un inter le linguas hispanic como gallego, catalano, basco e asturiano.　Illo pertine al linguas indoeuropee. Su antecessor directe es le latino, mais illo evidentia le occupation arabe in su quantitate relativemente grande de elementos ab le lingua arabe.

[modificar] Location

Le espaniol es un del linguas official del Union Europee e illo ha plus de 350.000.000 parlantes in le mundo del quales circa 40.000.000 in Europa.

Le lingua es parlate non solmente in Espania, mais tamben in Mexico, Argentina, America Central, America del Sud e parte de Africa e Asia.

Paises con un population hispanic significante
Ordine alphabetic	Numero de parlantes native
Andorra (40 000) Argentina (41 248 000) Australia (150 000) Belize (130 000) Bolivia (7 010 000) Brasil (19 700 000) Canada (272 000) Chile (15 795 000) China (250 000) Colombia (45 600 000) Corea del Sud (90 000) Costa Rica (4 220 000) Cuba (11 285 000) Ecuador (10 946 000) El Salvador (6 859 000) Espania (44 400 000 ) Finlandia (17 200) Francia (2 100 000) Germania (410 000) Guatemala (8 163 000) Guinea equatorial (447 000) Honduras (7 267 000) Israel (160 000) Italia (455 000) Japon (500 000) Libano (2 300) Mexico (106 255 000) Morocco (86 000) Nicaragua (5 503 000) Panama (3 108 000) Paraguay (4 737 000) Peru (26 152 265) Philippinas (2 900 000) Porto Rico (4 017 000) Regno Unite (900 000) Republica Dominican (8 850 000) Romania (7 000) Russia (1 200 000) Sahara occidental (341 000) Statos Unite de America (41 000 000) Svedia (39 700) Turchia (29 500) Uruguay (3 442 000) Venezuela (26 021 000)	Mexico (106 255 000) Colombia (45 600 000) Espania (44 400 000) Argentina (41 248 000) Statos Unite de America (41 000 000) Peru (26 152 265) Venezuela (26 021 000) Brasil (19 700 000) Chile (15 795 000) Cuba (11 285 000) Ecuador (10 946 000) Republica Dominican (8 850 000) Guatemala (8 163 000) Honduras (7 267 000) Bolivia (7 010 000) El Salvador (6 859 000) Nicaragua (5 503 000) Paraguay (4 737 000) Costa Rica (4 220 000) Porto Rico (4 017 000) Uruguay (3 442 000) Panama (3 108 000) Philippinas (2 900 000) Francia (2 100 000) Russia (1 200 000) Regno Unite (900 000) Japon (500 000) Italia (455 000) Guinea equatorial (447 000) Germania (410 000) Sahara occidental (341 000) Canada (272 000) China (250 000) Israel (160 000) Australia (150 000) Belize (130 000) Corea del Sud (90 000) Morocco (86 000) Andorra (40 000) Svedia (39 700) Turchia (29 500) Finlandia (17 200) Romania (7 000) Libano (2 300)

Es difficile determinar le numero exacte de hispanophonos proque non tote le gente lo parla qui habita in paises ubi espaniol es le lingua official. Similarmente le major parte del hispanophonos habitante in le Statos Unite parla tamben le anglese.

[modificar] Varietates

Viste que tante gente parla le espaniol in diverse paises, le differentias transatlantic in le vocabulario, grammatica, e pronunciation non es minor.

Multe confusiones es innocue. Si un espaniol de Espania ordina un "tinto" e un "bocadillo" in Bogotá, Colombia - con le expectation de reciper un vitro de vino rubie e un sandwich - ille va esser surprendite per reciper caffe nigre e un guayaba candite.

Durante que le espaniol qui vole un serratura fulmine va demandar un "cremallera", un argentino va demandar un "cierre" e le cubano un "ziper". Un bonbon a bastonetto es "piruleta" in Espania, "chupeton" in Argentina e "chicharo" in Cuba.

Ma altere parolas pote crear confusiones e embarrasamento social. Per exemplo in Espania "coger" es caper o chassar, durante que in Argentina illo significa le relationes sexual in le parlar familiar.