Copyleft
De Wikipedia, le encyclopedia libere
COPYLEFT (s) [kó-pi-left]
Tabula de contento |
[modificar] Etymologia
Ab le anglese copy pro "copia" e left pro "leve" o "sinistre", in contrasto con copyright
[modificar] Definition
Le termino anglese Copyleft refere al application de copyright pro assecurar le libertate public a modificar, meliorar e redistribuer un obra autorisate e omne projectos derivate ab illo. Le concepto esseva inventate per Richard Stallman in 1984 pro le distribution de software, ben que illo es anque usate ora pro altere typos de material.
[modificar] Exegese
Le termino copyleft proveni del phrase anglese "Copyleft—all rights reversed" (tote derectos revertite), scribite per Don Hopkins in un message a Richard Stallman in 1984. Illo es un joco de parolas pro le phrase legal "Copyright—all rights reserved" (tote derectos reservate).
Secundo copyleft, le possessor de un copyright imparti un licentia irrevocabile al recipiente de un copia, permittente su redistribution (includente le vendita) de altere copias possibilemente ameliorate o modificate, sub le condition que tote ille copias porta le mesme licentia e es rendite disponibile in un forma que facilita lor modification.
Le concepto de copyleft nasceva quando Stallman elaborava un interpretator de Lisp (un linguage de programmation pro computatores). Symbolics, Inc., un fabricante de computatores hodie defuncte, peteva a Stallman permission pro le uso de su interpretator de Lisp, e Stallman concedeva. Dunque Symbolics extendeva e meliorava le interpretator de programmas. Ma quando Stallman voleva accesso al meliorationes que Symbolics faceva a su interpretator, Symbolics refusava dar le accesso. Postea Stallman procedeva a crear le typo de licentia pro codice de computator que impedirea iste typo de action.
Le idea de copyleft es suggerite de plus in plus pro patentes, como le patente public in projectos commun le qual permitte uso libere del patentes contribuite al uso in commun sub certe conditiones (como per exemplo le abandonamento del derecto a facer application pro nove patentes non contribuite al uso commun de altere usatores in le projecto).
[modificar] Terminos connexe
- Software libere
- Licentia Public General de GNU
- Licentia GNU pro Documentation Libere
- Licentia Public de Mozilla
- Licentia Public Q
- Licentia de BSD
- Licentia de X Window System
- Licentia de Contento Aperte
- Licentia de Arte Libere
[modificar] Themas connexe
- Copyright
- Proprietate intellectual
- Copynorm