Río Rhin
Na Galipedia, a wikipedia en galego.
| Río Rhin | ||||||
|---|---|---|---|---|---|---|
 |
||||||
| Altitude da fonte: | 2344 msnm | |||||
| Lonxitude: | 1320qm | |||||
| Caudal medio: | 2200 m³/s | |||||
| País: | Suíza, Francia, Alemaña e Países Baixos | |||||
| Desemboca | Mar do Norte | |||||
O Rin (Rhein en alemán, Rhin en francés, Rijn en neerlandés) é un dos ríos máis longos e importantes de Europa, con 1.320 Km e un caudal de 2.000 metros cúbicos por segundo. Atravesa Europa de sur a norte, desembocando no Mar do Norte.
O nome Rin é de orixe celta e significa fluír (como en grego antigo 'rheīn'=fluír). Xunto co Danubio, o Rin constituía a maior parte da fronteira setentrional do Imperio Romano. Os romanos chamaban o río co nome de Rhenus. Desde esa época o Rin é un curso de auga moi usado para o transporte e o comercio.
Índice |
[editar] Xeografía
O Rin nace nos Alpes, no leste da Suíza, no cantón de Grisons (ou Graubünden en alemán) e é o resultado da confluencia de dous ríos, o « Rin anterior » e o « Rin posterior ». Desagua no mar do Norte mesturando as súas augas coas do río Mosa no grande delta. Atravesa ou acompaña seis países : a Suíza, a Austria, o Liechtenstein, a Alemaña, a Francia e os Países Baixos.
Constitúe a fronteira natural entre a Suíza e o Liechtenstein, entre a Alemaña e a Suíza e entre a Alemaña e a Francia.
Nos Países Baixos, o Rin divídese para formar un delta:
- Perto de Noviomago o Rin divídese no Rin Baixo (ou Nederrijn en neerlandés), o Linga (ou Linge en neerlandés) e o Vales (ou Waal en holandés)
- En Arnhemia, o Rin Baixo divídese no Rin Baixo e o Isala (ou Igsel en Neerlandés)
- Perto de Gorinchen, o Vales xúntase cun brazo da Mosa e continúa baixo o nome Merivido (ou Merwede en neerlandés)
- Despois Wijk bij Duurstede, o Rin Baixo divídese na Leica (ou Lek en neerlandés), no Rin Vello (ou Oude Rijn en Neerlandés) e no Rin Curvado (ou Kromme Rijn en neerlandés).
[editar] Historia
Esta característica de fronteira nacional é relativamente recente, con excepción do período durante o cal o Imperio romano o transformou nunha barreira ao norte contra os bárbaros, cunha fronteira (limes) recheada de fortificacións, como Colonia ou Estrasburgo. Entre a caída do Imperio romano e a conquista da Alsacia por Luís XIV, o Rin facía parte do mundo xermánico, que o denominaba Vater Rhein, o Rin paternal.
[editar] Hidroloxía
Con 14 000 á 17 000 anos de idade, as cataratas do Rin teñen unha altura de 23 metros (desnivel total de 33 metros) e unha largura de 150 metros, cun fluxo medio de 700n3/s.
Fluxo medio anual na fronteira franco-alemá: 1 240 m³.
Fluxo medio en Estrasburgo : 1 080 m/s.
En Basilea : medio : 1062 m/s ; seca : 202 m³ ; maior enchente: 5700 m³.
[editar] Afluentes principais
- Neckar
- Main (Río Meno)
- Mosela
- Ruhr
[editar] Economía
Entre a Basilea e o seu estuario, o Rin atravesa unha das zonas máis densamente poboadas da Europa occidental, historicamente rica en comercio e trocas.
O Val do Rin tamén foi o berce dunha das principais rexións da Revolución Industrial, a rexión do Ruhr, que se beneficia dunha importante reserva de recursos minerais, de fácil acceso e favorábeis ao desenvolvemento da industrialización.
Desde a « Convención de Mannheín » de 1868, o Rin considérase unha rexión de "augas internacionais" da última ponte da Basilea até o mar do Norte, asegurándolle á Suíza un acceso libre ao mar. A sede da Comisión central pola Navegación do Rin é en Estrasburgo. Fundada en 1815 durante o Congreso de Viena, é a máis antiga organización internacional.
En 2000, a Organización das Nacións Unidas para a Educación, Ciencia e Cultura (UNESCO) inscribiu os 65 km do Val Medio do Rin na lista do Patrimonio da Humanidade, xuntamente co rochedo da Lorelei, perto da cidade de Saint-Goar, na Alemaña.
[editar] Departamentos
O Rin deu o seu nome aos dous departamentos (fr.: départements) franceses da rexión Alsacia:
- Bas-Rhin (Baixo Reno, cuxa capital é Estrasburgo)
- Haut-Rhin (Alto Reno, cuxa capital é Colmar)
Dá tamén o seu nome a dous Estados (al.: Bundesländer) da Alemaña:
- Renania-Palatinado (Rheinland-Pfalz)
- Renania do Norte-Westfalia (Nordrhein-Westfalen)
[editar] Cita
« Il y a toute l'histoire de l'Europe (...) dans ce fleuve des guerriers et des penseurs, dans cette vague superbe qui fait bondir la France, dans ce murmure profond qui fait réver l'Allemagne. Le Rhin réunit tout. » Le Rhin, Victor Hugo, 1842.
En galego: « Toda a historia da Europa (...) está resumida neste río de guerreiros e de pensadores, nesta onda inmensa que sacode a Francia, neste murmurio profundo que fai soñar a Alemaña. O Rin reúne todo. » Le Rhin, Victor Hugo, 1842.
