Novela
Na Galipedia, a wikipedia en galego.
Índice |
[editar] Etimoloxía
É, como no español e portugués, voz procedente do italiano novella, onde a palabra refería cada un dos relatos breves contidos en obras tales coma o Decameron (1353). Tanto o antigo francés novelle (mod. nouvelle) coma o italiano novella proceden do nominativo plural latino novella refeito como singular. No latín a forma singular, novellus derivaba de novus 'novo'. O inglés novel foi importado a través do francés antigo, con desprazamento acentual (de forma aguda para grave). A evolución semántica no galego, español, catalán e inglés é semellante. Comeza facendo referencia a contos ou relatos de curta extensión para acabar referindo un xénero de ficción no que se integran obras narrativas de extensión considerable. Este sentido actual da palabra correspóndese co do francés roman, portugués romance e italiano romanzo. Dada a necesidade de diferencias os dous xéneros literarios hoxe téndese a falar de novela longa, a novela por antonomasia, e de novela curta
[editar] Definición
Por novela enténdese en galego un relato complexo en prosa, normalmente extenso, que narra unha acción ficticia e expón relacións, accións e condutas humanas. Ata onde debe chegar a extensión é obxecto de disputa, como o é a complexidade que debe ofrecer a trama ficticia que a sustenta.
En xeral o termo refire toda obra literaria en prosa de carácter ficticio no que domina a narración tecida a partir de personaxes e accións enmarcados nun relato máis ou menos complexo. En toda novela hai unha trama ou asunto principal que pode ter varias subtramas e uns protagonistas que evolucionan ó longo da historia que se narra. Alén do predominio da narración como forma do discurso, a interacción entre os personaxes e o medio en que actúan constrúese a base de descricións e diálogos.
[editar] A orixe
As orixes da novela áchanse na riquísima literatura oriental e tardohelenística (do séc. II d. de C.), aínda que algúns estudiosos consideran que é un desenvolvemento do xénero épico. A tradición de obras épicas -producidas normalmente en verso- na cultura occidental retrotráese a Ilíada e Odisea de Homero na literatura grega e á Eneida de Virxilio na romana. Os antecedentes máis antigos localízanse tamén no Oriente Próximo. A Epopea de Gilgamesh que refire lendas sumerias é do século VII a.C.
En todo caso, as características determinantes do xénero novelístico na literatura occidental aparecen con antelación á propia aparición da palabra e constitúen o resultado dunha combinación de varios xéneros e tradicións literarias. Ademais da épica, a ficción grega e latina en prosa amosa tanto unha vea crítica e satírica (o caso do Satiricón de Petronio) como unha vea heroica e amatoria (o caso de Dafnis e Cloe de Longo). A tradición medieval do conto de xénese oral, que terían o correlato escrito e literario na novela (curta) serían o terceiro esteo da tradición novelística moderna que comezaría propiamente a partir do realismo da novela picaresca de feitío popular e da fantasía das novelas de cabalerías, herdeiras dos romances, épicas e narracións cabaleirescas medievais.
[editar] Tipoloxías
A novela é o reino da liberdade de contido e de forma: xénero proteico e aberto, tamén o máis cultivado e metamorfoseado con problemas de límite con outras formas verbais e non verbais: ensaio, reportaxe, cine, collage,...
Proteica na multiplicidade de formas e puntos de vista que presenta ó longo da historia, a novelá amósase inesgotable tanto nas súas posibilidades narratolóxicas coma na súa capacidade de suxestión e interpretación do mundo.
Clasificar este xénero supón ademais da necesaria amplitude de miras, encarar a diversidade de criterios de clasificación empregados polas distintas tipoloxías propostas:
- Polo ton que mantén a obra, fálase de:
- novela satírica
- novela humorística
- novela didáctica...
- Pola forma:
- Segundo o público ó que chegue e o modo de distribución fálase de:
- novela trivial
- folletín
- bestséller
- Atendendo ó contido, as novelas poden ser:
- de aventuras: Nela predomina o interese pola acción. Relata sucesos extraordinarios, accións perigosas, e emocionantes, xeralmente nun escenario insólito ou exótico.
- bizantina: narra viaxes nas que se suceden aventuras complicadas, separacións e encontros de personaxes, recoñecementos casuais, cun ton de sucesos extraordinarios.
- costumista: describe as formas de vida cotiá dun grupo social: costumes, personaxes típicos...
- histórica: reflicte máis ou menos fielmente o ambiente, os caracteres, os acontecementos dunha época histórica, mesturando a ficción con acontecementos históricos.
- pastoril: de forma convencional e artificiosa, reflicte a vida, idealizada e irreal, duns pastores, que pasan as súas horas nunha paisaxe tópica.
- picaresca: con forma autobiográfica, un narrador protagonista de orixe dubidosa relata a súa vida de adversidades, nun desexo continuo de saír da miseria.
- social: diminúe no posible a descrición de vidas individuais, substituíndoas por unha colectividade. A súa actitude é crítica, con afán de denunciar situacións, ambientes e modos de vida dun grupo.
- de cabalerías: a que conta xestas dos cabaleiros andantes.
- de ciencia ficción: a que, inspirándose nos progresos da técnica, narra cousas extraordinarias do futuro.
- policial (tamén denominada policíaca): a que se basea nun crime e no seu esclarecemento.
Hai que engadir a esta lista outras tipoloxías que toman como criterio o estilo da obra e entón fálase de novela realista, naturalista, existencial, etc. ou os argumentos:psicolóxica, de tese,...
[editar] Listaxe de Novelas da Literatura Universal
[editar] Antigüidade clásica grega e latina
- Século IV a.C.: A educación de Ciro de Xenofonte, grego
- Século I a.C.:Satiricón de Petronio, latín
- século I - Século II: As aventuras de Quéreas e Calirroe de Caritón de Afrodisias, grego
- Século II: O asno de ouro de Apuleio, latín
- Século II: Habrócomes e Antia de Xenofonte de Éfeso, grego
- Século II: Dafnis e Cloe de Longo, grego
[editar] O século XIV
- 1353: Decameron, de Giovanni Boccaccio, latín
- 1386-1400: Os contos de Canterbury, de Geoffrey Chaucer, inglés
[editar] O século XV
- 1456: O pequeno Xohán de Saintré, de Antoine de la Sale, francés
- 1485: A morte de Artur, de Thomas Malory, inglés
- 1490: Tirante o Branco, de Joanot Martorell, catalán, novela de cabalerías
[editar] O século XVI
- 1504: A Arcadia de Jacopo Sannazaro, italiano, novela pastoral
- 1508: Amadis de Gaula de Garci Rodríguez de Montalvo, español, adaptación dun orixinal galego-portugués do século XIII
- 1516: Utopía de Thomas More, latín
- 1532: Gargantúa e Pantagruel de François Rabelais, francés, crónica satírica e de aventuras
- 1559: A Diana de Jorge de Montemayor, español, novela pastoral
- 1554: Lazarillo de Tormes español, novela picaresca anónima
- 1599: Guzmán de Alfarache de Mateo Alemán, español
[editar] Século XVII
- 1600: Don Quixote da Mancha, de Miguel de Cervantes, español. Para moitos, a primeira novela realmente moderna.
- 1626: O Buscón de Francisco de Quevedo, español. Unha peza mestra do xénero picaresco.
- 1668–1669: Simplicissimus de Hans Jakob Christoffel von Grimmelshausen, alemán. Unha autobiografía satírica co pano de fondo da Guerra dos Trinta Anos.
- 1684–1687: Cartas de amor entre un aristócrata e a súa irmá de Aphra Behn, inglés. A primeira novela epistolar.
- 1688: Oroonoko de Aphra Behn, inglés.
[editar] Século XVIII
- 1749: Tom Jones, de Henry Fielding
- 1760: Tristram Shandy, de Laurence Sterne
- 1761: Xacobe, o fatalista de Denis Diderot
- 1762: A nova Heloísa, de Jean-Jacques Rousseau
- 1774: Os Sufrimentos do xove Werther, de Goethe
- 1791: Xustina ou as desgrazas da virtude do Marqués de Sade
[editar] Século XIX
- 1811: Senso e sensibilidade, de Jane Austen, inglés
- 1813: Orgullo e prexuízo de Jane Austen, inglés
- 1815: Emma de Jane Austen, inglés
- 1818: Persuasión de Jane Austen, inglés
- 1819: Ivanhoe de Walter Scott, inglés
- 1825–1831: Eugene Onegin de Aleksandr Pushkin, ruso
- 1830: Vermelho e negro, de Stendhal, francés
- 1835: Père Goriot de Honoré de Balzac, francés
- 1836: A voz do profeta de Alexandre Herculano, portugués
- 1838: A cartuxa de Parma de Stendhal, francés
- 1839: Un heroe do noso tempo de Mikhail Lermontov, ruso
- 1840-1842: Os prometidos de Alessandro Manzoni, italiano
- 1847: Outeiros tempestuosos de Emily Brontë, inglés
- 1847: Jane Eyre de Charlotte Brontë, inglés
- 1851: Moby-Dick de Herman Melville, inglés
- 1856: Madame Bovary de Gustave Flaubert, francés
- 1857: As Torres Barchester de Anthony Trollope, inglés
- 1857: Madame Bovary de Gustave Flaubert, francés
- 1859: Oblomov de Ivan Goncharov, ruso
- 1860–1861: Grandes Esperanzas de Charles Dickens, inglés
- 1861: Pais e fillos de Ivan Turgenev, ruso
- 1862: Os Miserables de Victor Hugo, francés
- 1864: A casiña de Allington de Anthony Trollope, inglés
- 1865: Guerra e paz de Leo Tolstoy, ruso
- 1865: O xogador de Fiódor Dostoievski, ruso
- 1866: Crime e castigo de Fiódor Dostoievski, ruso
- 1871: Middlemarch de George Eliot, inglés
- 1875–1877: Anna Karenina de Leo Tolstoy, ruso
- 1876: Un conto antigo de Józef Ignacy Kraszewski, polaco
- 1880: Os irmáns Karamazov de Fyodor Dostoievski, ruso
- 1880: Maxina ou a filla espúrea de Marcial Valladares, galego
- 1881: Memorias Póstumas de Brás Cubas de Machado de Assis, portugués
- 1885: As aventuras de Huckleberry Finn de Mark Twain, inglés
- 1885: Cathy a Cariátide de Gabriela Zapolska, polaco
- 1886–1887: Fortunata e Xacinta de Benito Pérez Galdós, español
- 1888: Os Maias de Eça de Queirós, portugués
- 1891: Stopfkuchen de Wilhelm Raabe, alemán
- 1894: A tecedeira de Bonaval de Antonio López Ferreiro, galego
- 1895: Quo Vadis de Henryk Sienkiewicz, polaco
- 1895: Faraón de Bolesław Prus, polaco
- 1895: O castelo de Pambre de Antonio López Ferreiro, galego
- 1897: O negro do 'Narcissus' de Joseph Conrad, polaco
- 1898: A campaña de Capricórnica de Lois de Outeiro, galego
- 1899: Der Stechlin de Theodor Fontane, alemán
- 1899: ¡A besta! de Xan de Masma, galego
[editar] Século XX
- 1900: A ilustre Casa de Ramires de Eça de Queirós
- 1913: Á busca do tempo perdido de Marcel Proust
- 1914: Dublineses de James Joyce
- 1915: A metamorfose de Franz Kafka
- 1917: A liña de sombra de Joseph Conrad
- 1922: O castelo de Franz Kafka
- 1922: Ulises de James Joyce
- 1922: Sidharta de Hermann Hesse
- 1924: A montaña máxica de Thomas Mann
- 1927: Cara ó faro de Virginia Woolf
- 1928: O porco de pé de Vicente Risco
- 1929: O ruído e a furia de William Faulkner
- 1930-1943: O home sen dons de Robert Musil
- 1931: Un feliz mundo novo de Aldous Huxley
- 1932: Viaxe ó fondo da noite de Louis Ferdinand Céline
- 1936: O mesón dos ermos de Ramón Otero Pedrayo
- 1939: Finnegans Wake de James Joyce
- 1942: O estranxeiro de Albert Camus
- 1942: A familia de Pascual Duarte de Camilo José Cela
- 1946: Cuspirei sobre as vosas tumbas de Boris Vian
- 1947: Diario de Ana Frank
- 1947: A perla de John Steinbeck
- 1949: 1984 de George Orwell
- 1951: Memorias de Hadrián de Marguerite Yourcenar
- 1952: O vello e o mar de Ernest Hemingway
- 1953: Fahrenheit 451 de Ray Bradbury
- 1955: Lolita de Vladimir Nabokov
- 1956: Gran Sertón: Veredas de Guimarães Rosa
- 1957: O barón rampante de Italo Calvino
- 1961: Memorias dun neno labrego de Xosé Neira Vilas
- 1967: Cen anos de soidade de Gabriel García Márquez
- 1974: O arquipélago gulag de Alexandre Solzhenitsin
- 1984: A inaturable lixeireza do ser de Milan Kundera
- 1984: O amante de Marguerite Duras
- 1991: O Evanxeo segundo Xesucristo de José Saramago
- 1994: A extensión do campo de batalla de Michel Houellebecq
[editar] Século XXI
[editar] Véxase tamén
Xénero (literario)
Novela de xénero