Metaplasmo
Na Galipedia, a wikipedia en galego.
Denomínase xenericamente metaplasmo ao que a gramática tradicional denominaba figuras de dicción: "Cada unha das varias alteracións que experimentan os vocábulos na súa estrutura habitual, ben por aumento (prótese, epéntese, paragoxe), ben por supresión (aférese, síncopa, apócope, elisión), ben por transposición de letras (metátese), ben por contracción de dúas delas (contracción, sinérese, falso sandhi)" (DRAE). O metaplasmo tiña lugar na lingua poética; se ocorría na lingua corrente, denominábase barbarismo.
Nunha segunda acepción, denomínase metaplasmo ao cambio de xénero e así hai metaplasmo, por exemplo:
- no castelán "centinela" (a sentinela) feminino no español antigo e masculinos hoxe;
- do latino "valem" para dar o o val galego (de aí que haxa topónimos e antropónimos valiña e valiño);
- o neutro latino votum que en galego deu voto e voda (o segundo de feito orixinado a partires do plural);
Máis concretamente, adóitase denominar tamén coa palabra metaplasmo ao distinto xénero dunha palabra en singular e en plural (latín locus, masculino; loca, neutro)