Illas Marianas do Norte

Na Galipedia, a wikipedia en galego.

As illas Marianas do Norte ou Marianas Septentrionais, designadas oficialmente Commonwealth of the Northern Mariana Islands ou (CNMI) son un "estado libremente asociado" aos Estados Unidos da América, situado na Micronesia, que comprende 14 illas do arquipélago das Marianas.

Fai divisa, ao norte coas Illas do Vulcán e de Marcus e outros territorios do Xapón, ao sul coa dependencia estadounidense de Guam e cos Estados Federados da Micronesia.

[editar] Historia

As illas foron “descobertas” por Fernán de Magalláns en 1521, que as declarou colonia española e as apelidou de "Islas de los Ladrones", (Illas dos Ladróns), aparentemente porque os nativos non eran amistosos. En 1668 o nome das illas foi mudado para Las Marianas, en homenaxe a Mariana da Austria, viúva do rei Filipe IV de España.

Prácticamente toda a poboación nativa foi exterminada durante o dominio español e, máis tarde, foron repoboadas por nativos doutras illas da Micronesia. A colonia española foi vendida á Alemaña en 1899 e tomada polos xaponeses en 1914, que a tornaron nunha zona militar. Durante a Segunda Guerra Mundial, os “Marines” aterraron ali a 15 de xuño de 1944 e gañaron a Batalla de Saipan, que durou 3 semanas.

Despois da derrota do Xapón, as illas pasaron a ser admnistradas polos EUA, como parte do Protectorado das Illas do Pacífico das Nacións Unidas, nun mandato da ONU, a partir de 1947. Na década de 1970, os seus habitantes decidironse, non a favor da independencia, mais de lazos máis fortes cos EUA e, a 1 de Xaneiro de 1978 foi aprobada a constituición do seu estatuto actual.

[editar] Xeografia

As Illas Marianas constituen un arco vulcánico no encontro das placas tectónicas das Filipinas e do Pacífico. Na vertente oriental deste arco atopase a Fosa das Marianas, onde foi detetada a maior profundidade dos océanos - 10 924 m.

As illas son, de sur para norte: Saipan, Tinian, Rota, Aguixan, Farallon de Medinilla, Anatahan, Sarigan, Guguan, Alamagan, Pagan, Agrihan, Asuncion, Maug e Farallon de Paxaros. Saipan, Tinian e Rota son as únicas con poboación permanente.

As illas do norte tén vulcáns activos, en canto as do sur están cobertas por terrazos coralinos. O clima é tropical.