Galba
Na Galipedia, a wikipedia en galego.
Servius Sulpicius Galba (24 de decembro de 3 a.C. - 15 de xaneiro de 69) foi un emperador romano.
Foi un dos gobernadores que se alzou contra a tiranía de Nerón. Era gobernador da provincia Tarraconense e ao seu levantamento pronto se xunguiron os seus colegas de Lusitania, África e Exipto.
Servio Sulpicio Galba foi nomeado emperador polas lexións e os pretorianos en Clunia, na actual provincia de Burgos, inaugurando deste xeito o que acabaría por ser un costume. En efecto, as lexións atoparon a capacidade de presión que podían exercer sobor dunha Roma que só dispuña dunha guarnición de pretorianos. Só era necesario a ratificación do Senado, o que rematou por ser unha mera formalidade.
Marchou a Roma, onde instaurou un poder forte, que pronto recibiu o rechazo pola sua severidade. Os pretorianos, que se uniran á rebelión pra acadar unha recompensa, non a recibiron, así como Marco Salvio Otón, gobernador da Lusitania, quen foi nomeado emperador polos pretorianos despois de asasinar a Galba no ano 69. Só permanecera uns meses como emperador.
| Imperio Romano | ||
|---|---|---|
Segue a: Nerón |
Galba (69-69) |
Precede a: Otón |
| Ano dos catro emperadores | ||
