Flashback

Na Galipedia, a wikipedia en galego.

O termo flashback é un anglicismo recente en galego.

En cinematografía (e tamén no teatro, novela, historia, etc.), un flashback ou analepse é unha escena ou episodio que se insire para mostrar acontecementos que tiveron lugar nun momento anterior.

En psicoloxía, un flasback é un fenómeno no que alguén lembra unha experiencia pasada. O termo emprégase normalmente cando o recordo aparece involuntariamente e/ou cando é tan intenso que a persoa "revive" a experiencia (especialmente se o recordo se almacena principalmente na memoria procedural), sendo incapaz de identificalo plenamente como recordo.

Cando se produce involuntariamente, o flashback pódese deber a unha desorde, como a PTSD (desorde de estrés post-traumático), como en casos en que se lembra un trauma de guerra ou de abuso sexual, ou unha desorde de percepción halucinóxena persistente posibelmente relacionada co uso de drogas psicodélicas.