Estado de San Paulo

Na Galipedia, a wikipedia en galego.

São Paulo

Capital
-poboación (ano)

São Paulo
10.677.019 habitantes (2003)

Área

248 808,8 km²

Poboación

40.442.795 (est. 2005)
O máis poboado do Brasil

Fuso horario

GMT-3

Gobernador

Cláudio Lembo (PFL)

Mapa: São Paulo no Brasil

Estado brasileiro localizado na rexión Sueste. Ten como límites: Minas Xerais (N e NE), estado de Río de Xaneiro (NE), Océano Atlántico (E), Paraná (S) e Mato Groso do Sur (O). Ocupa unha área de 248.808,8 km². A súa capital é a cidade de São Paulo.

Índice

1 Xeografía
2 Economía
- 2.1 Historia económica do estado
- 2.2 Ligazóns externas

[editar] Xeografía

As súas cidades mais poboadas son São Paulo, Campinas, Guarulhos, Santo André, Osasco, São Bernardo do Campo, São José dos Campos, Ribeirão Preto, Santos, Sorocaba, Diadema e Jundiaí.

Presenta un relevo relativamente elevado: 85% do territorio está entre os 300 e os 900 metros de altitude. Os seus ríos principais son: Tietê, Paranapanema, Grande, Turvo, Pardo, do Peixe, Paraíba do Sul e Piracicaba. O seu clima é tropical no interior do estado, e tropical de altitude nas rexións máis altas do planalto, acima dos 1000 m de altitude.

[editar] Economía

Estado máis desenvolvido do país, representa mais de 30% do Produto Interior Bruto brasileiro. O estado ten como base principal de súa economía a industria (automóbiles e as súas pezas, equipamentos mecánicos, electrónicos, telecomunicacións, produtos químicos, plásticos, metalurxía, etc), despois os servizos e o comercio. As industrias concéntranse na megalópole de San Paulo (formada polas rexións metropolitanas de San Paulo, Campinas e Baixada Santista), na rexión de Sorocaba, en Ribeirão Preto e no Vale do río Paraíba do Sul. Na rexión metropolitana da capital do estado (cidade de San Paulo) están as sedes de importantes bancos brasileiros e estranxeiros con filiais no Brasil.

Súa agricultura e gandería tamén son bastante modernas: produce laranxa e zume de laranxa para o mercado interno e externo, e cana de azucre, café e algodón para o mercado interno.

O estado posúe tamén locais turísticos e boa infraestrutura para recibir visitantes, inda que non sexan tan famosos en todo o mundo coma o Río de Xaneiro: cidades de praia (São Sebastião, Ubatuba, Bertioga, Santos, Sao Vicente, Peruíbe), cidade de montaña (Campos do Jordão), estancias de augas minerais (como Serra Negra, Águas de São Pedro e Águas de Lindóia) e outras. A propia cidade de San Paulo recibe turistas, ata mesmo doutros estados, que visitan o comercio especializado da capital (vexa: San Paulo - São Paulo (cidade)), as exposicións nos seus museos, o os eventos periódicos, como a competición de Fórmula 1 (Grande Premio do Brasil) que ocorre todos os anos no Autódromo de Interlagos.