Amancio Prada
Na Galipedia, a wikipedia en galego.
Amancio Prada (Devesas, León, 1949), nacido no Bierzo de fala galega, fillo de labradores, é un dos máis destacados cantautores españois.
Estudou Socioloxía na Universidade da Soborna (París). Alí mesmo, na Francia, xa se deu a coñecer aparecendo na televisión e nas radios francesas, e mesmo gravou o seu primeiro disco Vida e morte. A partir de aquí comezou unha longa etapa de produción de discos, xunto con numerosas actuacións por todo o mundo, pois participou en concertos por todo o territorio nacional e internacional (Roma, Estocolmo, Xenebra, Buenos Aires, Nova York, Lisboa, Caracas, O Porto, Chicago, México, Rabat, Colonia, Utrecht, Ravenna, Atenas, Bruxelas, Medellín...)
Amancio Prada pódese considerar como un dos mellores embaixadores da lírica galega no mundo (Rosalía de Castro, Álvaro Cunqueiro, diversos trobadores galaico-portugueses, cancións populares, etc), razón que expuxo o xurado para que gañase o XXI Premio Celanova -Casa dos Poetas- en 2005.
[editar] Discografía
- Vida e morte (1974), o seu primeiro disco.
- Rosalía de Castro (1975)
- Caravel de caraveles
- Canciones de amor y celda
- Leliadoura (homenaxe aos trobadores galaico-portugueses medievais).
- Cántico espiritual (homenaxe a San Juan de la Cruz).
- Canciones y Soliloquios (poemas de Agustín García Calvo).
- De la mano del aire (1984)
- Dulce vino de olvido (1985)
- Sonetos de amor oscuro (1986), baseado en poemas de Federico García Lorca.
- A dama e o cabaleiro (1987), baseado na poesía neotrobadoresca de Álvaro Cunqueiro.
- Navegando la noche (1988)
- Trovadores, místicos y románticos (1990), disco dobre.
- Emboscados (1994)
- Rosas a Rosalía (1997), conxuntamente coa Orquestra Real Filharmonía de Galicia.
- 3 poetas en el círculo (1998), en homenaxe a Cunqueiro, García Lorca e García Calvo. É a súa primeira gravación ao vivo e en directo.
- De mar e terra (1999), baseado na tradición oral en galego.
- Escrito está (2001)
- Canciones del alma (2003), disco-libro, dedicado a textos de San Juan de la Cruz.
- Sonetos y canciones de Federico García Lorca (2004), o seu segundo disco-libro
- Hasta otro día, Chicho (abril de 2005), disco-libro dedicado a Francisco Sánchez-Ferlosio.
[editar] Premios e distincións
- "Galleta de oro" Festival de la juventud, Alar del Rey, 1969 e 1970
- I Premio Festival de vilancicos novos, Pamplona, 1975 e 1976
- Medalla Antena 3 Radio, 1982
- Medalla COPE, 1986
- Once galegos de hoxe, 1987
- Medalla IV Centenario San Juan de la Cruz, 1991
- Medalla Castelao, Xunta de Galicia, 1995
- Socio de Honra do Instituto de Estudios Bercianos
- Socio de Honra do Centro Galego de Córdoba
- Disco Ideal, 1997 por Rosas a Rosalía
- Premios Clínica San Francisco, 1997. XXVIII aniversario
- Leonés do Ano, 1999
- Medalla de ouro do Círculo de Belas Artes de Madrid, 2001
- Premio Trovador, Festival de Alcañiz, 2002
- Premio das Artes "Gil y Carrasco", Ponferrada, 2003
- Castaña de Ouro (1ª Edición, 2004, de Prada a Tope)
- Premio Celanova Casa dos Poetas. Fundación Curros Enríquez, Celanova, 2005
- Premio Castela e León das Artes, 2005