Amália Rodrigues

Na Galipedia, a wikipedia en galego.

Amália Rodrigues (1920–1999) foi unha cantora de fado portuguesa, alén de ter participado como actriz nalgúns filmes.

Naceu en Lisboa, na Rua Martín Vaz, na freguesía de Pena. Nos documentos oficiais, a súa data de nacemento aparece como 23 de xullo. Amália dicía, sen embargo, que o seu aniversario era o 1 de xullo ("no tempo das cereixas").

Tornouse coñecida mundialmente como a "Raíña do Fado" e, por consecuencia, debido ao simbolismo que este xénero musical ten na cultura portuguesa, foi considerada por moitos como unha embaixadora do país. Apareceu en varios programos de televisión de todo o mundo (incluindo Estados Unidos da América) onde non só cantaba fados, senón tamén música doutras orixes (por exemplo, música española).

Bruno de Almeida realizou catro filmes sobre Amália: "Amália, Live in New York City" (un filme-concerto de 1990 dun espectáculo en Nova York no Town Hall - auditorio da cidade), "Amália - unha estraña forma de vida" (un documental de cinco horas, en formato de serie), "Amália - Expo'98" (filme sobre o día dedicado a Amália Rodrigues na Exposición Mundial de 1998 en Portugal), e "A Arte de Amália" (documental de 90 minutos, pensado para unha audiencia internacional, que se estreou no Cinema Cad, en Nova York, en decembro de 2000).

O 6 de outubro de 1999, Amália Rodrigues morre con 79 anos. Despois de varias protestas públicas, o seu corpo transladouse ao Panteón Nacional, en Lisboa, onde repousan só grandes figuras portugueses.