Ór

Ón Vicipéid, an chiclipéid shaor.

Is é is ór ann ná an naoú dúil cheimiceach déag is trí scór i dtábla peiriadach na ndúl. Miotal bog buí trom somhúnlaithe atá ann, agus meas mór ag na daoine air toisc é a bheith chomh gann. Is í an tsiombail cheimiceach atá aige ná Au. Miotal lómhar atá ann, agus é le fáil ina dhúil sa dúlra féin, ina chnapáin bheaga taobh istigh de chlocha. Seoltóir maith leictreachais atá ann. Sa seodra, sna boinn airgid agus san eacnamaíocht is mó a úsáidtear é, ach thairis sin, baintear leas as san fhiaclóireacht agus sa leictreonaic.

Mar is dual do na miotail lómhara, is dúil sách triath é an t-ór. Is é sin, níl sé araiciseach chun imoibriú a dhéanamh le ceimiceáin. Mar sin féin, is féidir é a thuaslagan in imoibreáin áirithe, go háirithe san aqua regia - an t-"uisce ríoga", ós rud é go dtuaslagann sé "rí na miotal", an t-ór. Is é is aqua regia ann ná meascán as aigéad hiodraclórach agus aigéad nítreach. Thairis sin, is féidir leis an gclóirín, leis an bhfluairín agus le tuaslagáin chiainídeacha ór a chreimeadh.

Ocsaídíonn an t-aqua regia an t-ór go hian teitreaclóróráite, is é sin, AuCl₄^-, agus is í an uimhir ocsaídiúcháin atá ag an ór san ian seo ná +3. Is í an uimhir ocsaídiúcháin is coitianta aige, agus tugtar óra-chomhdhúile ar na comhdhúile ina bhfuil an uimhir ocsaídiúcháin seo ag an ór. Thairis sin, tá an uimhir ocsaídiúcháin +1 ag an ór i gcuid mhaith comhdhúl, is é sin, na h-óró-chomhdhúile. Is féidir don ór uimhir ocsaídiúcháin níos airde fós a shroicheadh faoi thionchar ocsaídeoirí láidire, go háirithe gás fluairín.

[athraigh] Tréithe fisiceacha

• Uimhir adamhach: 79
• Sraith cheimiceach: Na miotail thrasdultacha
• Grúpa, peiriad, bloc: 11, 6, d
• Cosúlacht: miotal buí
• Mais adamhach: 196.966569(4) g/mol
• Cumraíocht leictreonach: [Xe] 4f¹⁴ 5d¹⁰ 6s¹
• Leictreoin de réir an scealla: 2, 8, 18, 32, 18, 1
• Pas: soladach
• Dlús le teocht an tseomra: 19.3 g·cm⁻³
• Leáphointe: 1337.33 K, 1064.18 °C
• Fiuchphointe: 3129 K, 2856 °C

Is stumpa é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.