Each

It each is in sintûch dat brûk makket fan ljocht om in byld troch te jaan nei de harsens.

[bewurkje seksje] Anatomy

• It each bestiet út in hurde, stevige bûtenrâne, dy't oan 'e foarkant trochsichtich is (de cornea = hoarnflues) en foar de rest ûntrochsichtich (de sclera = it wyt). It each sit yn 'e eachkâs dêr't it troch seis eksterne spieren op syn plak holden wurdt. Dy spieren meitsje it ek mooglik dat it each draaie kin. Oan 'e efterkant ferlit de eachsenuw (nervus opticus = twadde harsensenuw) it each. It each is fold mei glêsachtich lichem. Tegeare mei it hoarnflues en de lins soarget dat foar de brekking fan it ljocht.
• Yn it each, efter it hoarnflues leit de lins. De lins is mei help fan spierkes ferfoarmber. Dit makket it mooglik om sawol fan tichtby as fierôf skerp te sjen.
• Tusken hoarnflues en lins sit de iris (reinbôgeflues). Dit flues hat yn 't midden in iepening dêr't it ljocht troch falt. Troch spierkontraksjes kin dizze iepening grutter en lytser wurde, sadat der mear as minder ljocht yn't it each falt.
• De binnekant fan 'e eachbâl is beklaaid mei in bloedfatryk flues (choroidea = ierflues), mei dêroerhinne it netflues (retina). It netflues is in kompleks ûnderdiel, it bestiet út ferskillende lagen. De wichtigste elementen fan dit flues binne de fotoreseptoren en senuwen. Ljocht dat it each binnenfalt wurdt op dit netflues opfongen en omset yn elektrise sinjalen dy't fierderop yn'e harsens ferwurke wurde.