Sport
De Vichipedie, la enciclopedie libare dute in marilenghe.
Il Sport al è une batarie di ativâts, in gjenar fisichis, fatis par fins ricreatîfs: par competi, par divertisi, par miorâsi o par altris motîfs. Ancje dome cjalâ un event sportîf al è une robe che al pues puartâ gjoldiment. Lis divisions principâls a son in sport a scuadris, o sport individuâl, e in sport agonistic o diletantistic. E je une des ativitâts plui vieris praticadis dai oms.
Le peraule al ven dal inglês sport, che al ven a sô volte dal francês deport, che al vûl dî divertiment, distrazion.
Indis |
[cambie] Sports plui cognossûts
- Balon
- Basket o Bale tal zei
- Volley
- Rugby league [1]
- Sports motoristics
- Schi
- Nadâ
- Ciclisim
- Arcierie o Tirâ cun l'arc
[cambie] Sportivitât
Leât ae idee di sport al è il concet di sportivitât, dispès identificât cu la frase di Pierre De Coubertin l'impuartant al è partecipâ. Cheste idee e riunìs i ideâls di cortesie, onestât, moderazion cuant sei se si piert sei se si vinç.
[cambie] Politiche e sport
Spes sport e politiche a son stâts plui leâts di ce che a dovaressin jessi: i esemplis pi famôs a son tal periodi dal apartheid in Sud Afriche e lis Olimpiadis organizadis tal 1936 a Berlin par celebrâ la Gjermanie nazionalsocialiste.
[cambie] Sport e art
Spes al è dificil distingui tra sport e art: il patinaç sul glaç al riunìs elements di ducj e dôs lis areis; ancje une vore di sports origjinaris dal Asie no son separabai des parts tradizionâls e artistichis.
Categoriis: Sport | Hobbys | Spetacul
