Bale tal zei
De Vichipedie, la enciclopedie libare dute in marilenghe.
La bale tal zei, o bale tal cos o basket (scurte da la peraule inglês basketball) al è un sport di scuadre inventât tal 1891 di James Naismith tai Stâts Unîts, dulà che al è considerât un dai sports nazionâi. Al è une vore popolâr in Europe e in Sud Americhe. Vuê si lu zuie in dut al mont, e aromai i americans no son considerâts i plui fuarts, ancje se il campionât professionist american (NBA) al reste chel plui famôs e impuartant.
[cambie] Storie
A difarence di tancj altris sports, ma come la balesvol, la bale tal zei al è nassût par opare dal cjâf dal professôr di educazion fisiche James Naismith, di origjinis canadesis, ch'al voleve cjatâ fûr un zûc par no fâ stufâ i siei arlêfs de scuele di Springfield, tal Massachusetts.
