Wikipedia:Artikuluak nola aldatzen diren
Wikipedia(e)tik
| Wikipediako tutoriala |
| Tutorialeko orriak... |
|
Sarrera berriak |
| Ikus, gainera... |
Oso erraza da wiki orrialde bat aldatzea: egin beharreko gauza bakarra aldatun klik egitea da. Orrian idazten den lehen aldia bada, hau da, ez bada izenburu hori duen artikulurik existitzen, berez irekitzen da aldatu lehiatilan.
Behin hau eginda, aldatu orrialdean testu kutxa bat ikusiko duzu, artikuluaren testua idatzita eduki dezakeena. Orain da zure momentua. Idatzi idatzi beharrekoa eta prest duzunean sakatu Aurrebista erakutsi, testu kutxaren behekaldean. Ikuskatu ea ongi geratu den eta zuzendu egon litezkeen akatsak. Dena ongi dagoela uste duzunean sakatu Orria gorde, hau ere behekaldean, eta aldaketak gordeko dira.
Aldatzeko kutxaren gainean ikur hauek ere ikus ditzakezu:
Baina litekeena da ez agertzea erabiltzen duzun nabigatzailearen eta nolako hobespenak dituenaren arabera.
Botoi hauek zure aldaketa errazteko dira. Normalean, testu bat aukeratuta funtzionatzen dute. Testua hautatu gabe erabiltzen badituzu, adibidezko testu bat azalduko zaizu. Ahalegindu beraiekin!
Proba batzuk egin nahi badituzu, proba orrian egin ditzakezu. Ez ahaztu Aurrebista erakutsi aukeratzea, dena zuk nahi bezala dagoen ikusteko. Laburpena jartzen duen tokian zerbait idazten baduzu historian grabatuta geratzen da eta beste batzuen lana arintzeko balio dezake. Aintzat hartu idazteko erak ere garrantzi handia duela; mesedez, irakurri Wikipedia:Editatzeko laguntza.
| Oharra: Esangura handiko aldaketa bat burutzea bada zure helburua, beste lankideekin eztabaidatu beharko zenuke orri bakoitzaren eztabaida orrian edo bozketa batean; horrela, gainontzekoen iritzia ere aintzat hartzeko. |
[aldatu] Babestutako orriak
Artikulu nagusia: Wikipedia:Babestutako orriak
Babestuta orrietan ezin da aldatu. Hau da Wikipediako orri mota bakarra, orri bereziekin batera, non erabiltzaile arruntek ezin duten aldaketarik egin. Administratzaileek bakarrik egin ditzakete aldaketak orri hauetan (berezietan inork ere ez). Horregaitik, aldatu fitxa ordez kodea ikusi izenekoa izango da. Dena den, babesteko modu bi daude: orria guztiz babestea eta erdizka babestea. Bigarren aukera honetan erregistratutako lankideek lasai asko egin ditzakete aldaketak. Guztiz babestuta badago eta aldaketak egitea behar dela uste baduzu, kopiatu ondorengo kodea zure eskaerarekin batera orri horren eztabaida orrian:
{{aldatzea babestuta}}
