Вікіпэдыя:Як рэдагаваць існуючы артыкул
Зьвесткі зь Вікіпэдыі — вольнай энцыкляпэдыі.
Гэты тэкст зьмяшчае асноўныя веды, неабходныя для рэдагаваньня існуючага артыкула. Рэдагаваць вельмі лёгка: проста націснуць спасылку рэдагаваць, адчыніцца акенца з існуючым тэкстам артыкула.
Калі Вы трапілі на старонку рэдагаваньня, далей трэба:
- зрабіць вашыя зьмены ў тэксьце, дадаць нешта новае ці выправіць памылку;
- напісаць кароткае апісаньне зьменаў у адпаведным акенцы;
- націснуць Праглядзець каб пабачыць, як артыкул будзе выглядаць пасьля Вашага ўдзелу;
- калі атрыманы тэкст Вас задавальняе, націснуць Захаваць старонку.
Каб адмяніць рэдагаваньне, дастаткова выканаць каманду "вярнуцца назад" у Вашым браўзэры. Рэдагаваць можна і не проста ў акне браўзэра, а скапіяваць тэкст артыкулу ў Вашым улюбёным тэкставым рэдактары. Пры гэтым Вы зможаце пракантраляваць артаграфію, і да таго ж, захаваць зьмены і пазьбегнуць страты ў выпадку адключэньня сувязі.
Калі ласка, пры напісаньні артыкула, прытрымлівайцеся нэйтральнага тона, пазьбягайце эмацыянальных і суб'ектыўных ацэнак, рэклямы. Дзе магчыма, пазначайце, адкуль узяты матэрыял для артыкула - гэта дазволіць іншым удзельнікам удакладніць і дапоўніць Вашу працу.
Не абавязкова намагацца зрабіць адразу дасканалы артыкул. Кожны артыкул заўжды можна адрэдагаваць, дапоўніць, падкарэктаваць. Ня трэба баяцца рэдактаваць артыкул, Вікіпэдыя створана менавіта для гэтага: каб кожны мог дапамагчы. Але калі Вы ўсё-такі ня ўпэўнены, што зробіце ўсё добра, тады перад тым, як рэдагаваць нейкі артыкул, патрэніруйцеся ў пясочніцы. Тыя, хто не жадае зьмяняць сам артыкул, можа напісаць свае заўвагі на старонцы гутаркі, якая існуе для кожнага артыкула.
[рэдагаваць] Фарматаваньне ў Вікі
Для выдзяленьня, аздабленьня тэкста рознымі стылямі і пазначэньня структуры тэкста ў Вікіпэдыі існуе спэцыяльная мова фарматаваньня. Поўную даведку можна пабачыць на старонцы Вікі-фарматаваньне.
[рэдагаваць] Перад тым як захаваць
Перад тым як захаваць старонку, калі ласка, праверце яшчэ раз:
- Аўтарскія правы на матэрыялы, зьмешчаныя ў артыкуле. Калі Вы няўпэўнены, што нейкі тэкст ці малюнак можна вольна капіяваць і распаўсюджваць, лепш наогул не выкарыстоўваць яго.
- Правапіс — клясычны (тарашкевіца) і афіцыйны (наркамаўка), і правільны — без памылак. Падтрымку łacinki плянуецца зрабіць шляхам аўтаматычнай канвэртацыі. Падрабязнасьці — на старонцы Вікіпэдыя:Правапіс.
- Пры капіяваньні тэкстаў, цытатаў, фрагмэнтаў зь іншых электронных крыніц - пракантралюйце і калі трэба замяніце i лацінскае на і кірылічнае; калі ў тэксьце былі прастаўлены пераносы (знакі "-" пасярод слоў) - іх трэба выдаліць. (Для візуальнага пошуку лацінскіх літар у кірылічным тэксьце зручна ўжываць рэдактар тэкставы рэдактар SciTE. Ён паказвае лацінскія і кірылічныя літары розным колерам. Пры дапамозе яго можна зрабіць "пошук і замену". Таксама падсьветку асобных літар можна рабіць з дапамогай Find/Highlight у Firefox.)
