Visaginas
El Vikipedio
| Visaginas | |
 |
 |
| Bazaj datumoj | |
|---|---|
| Ŝtato: | Litovio |
| Distrikto: | Utena |
| Urba Komunumo: | Visaginas |
| nombro de enloĝantoj: | 28 000 (urbo, stato 2005) |
| areo (komunumo): | ĉ. 58 km² |
| internacia telefona prefikso: | (+370) 386 |
| koordinatoj: | 55° 36' Norde, 26° 25' Oriente |
Visaginas estas urba komunumo en la oriento de Litovio. Ĝi apartenas al la distrikto Utena. Dum la jaro 2005, ĝi havis 28 000 enloĝantojn. La urbo konstruiĝis dum la jaro 1975 lige al la konstruo de la nuklea centralo Ignalina, unue ĝi nomiĝis laŭ la eksa prezidanto de la sovetie litova komunisma partio, Sniečkus. Du jarojn pli poste, dum 1977, ĝi ekhavis urban statuson. Post la resendependiĝo de Litovio la urba nomo ŝanĝiĝis al Visagina.
Samkiel la nuklea centralo, ankaŭ la konstruo de la urbo - kompare al la planoj - restis nefinita. Ĉar la nuklea centralo estis la unua (kaj restis la nura) en Litovio, kaj apenaŭ ekzistis litovaj laboristoj spertaj pri laborado en nuklea centralo, fakaj laboristoj dungiĝis el aliaj partoj de Sovetunio, ĉefe el Rusio. El tio rezultiĝas, ke dum la jaro 2005 ankoraŭ 55 procentoj de la enloĝantaro estas rusoj, kaj nur 15 procentoj litovoj - tio estas nekutima fenomeno en Litovio: laŭ tutlanda averaĝo malpli ol 6 procentoj estas rusoj.
Pro la malŝalto de la unua atomreaktoro kaj la por la jaro 2009 planata malŝalto de la tuta nuklea centralo, draste mankas laborlokoj en la urbo. Ĉar la plej multaj rusaj fakaj laboristoj ne volas translokiĝi al Rusio, sed ankaŭ malmulte parolas la nacian lingvon de Litovio kaj krome estas tre specialigitaj pri temo ne populara dum la 21-a jarcento, malfacilas trovi novan laboron. Lige al la sociaj problemoj pro la senperspektiveco de multaj enloĝantoj ekzistas relative multaj konsumantoj de drogoj.
[redaktu] Ligilo
Se jam ekzistas alilingva samtema artikolo pli disvolvita, traduku kaj aldonu el ĝi.
