Projekto por Malferma Katalogo
El Vikipedio
Komputiko > Interreto > Serĉilo > DMOZ
Projekto por Malferma Katalogo (anglalingve: Open Directory Project ODP), ofte nomita DMoz (Directory Mozilla), estas TTT-a katalogo de TTT-ejoj, redaktata libere de bonvolemuloj tra la tuta mondo, iome same kiel Vikipedio.
La katalogo estis iniciita en 1998 kaj iĝis en 2001 la plej granda redaktita de homoj katalogo de TTT-ejoj, superante la nombron de TTT-ejoj prezentitaj de la komercema katalogo Yahoo, kiu estas delonge la plej fama home farata katalogo.
Enhavo |
[redaktu] Uzado de la katalogo
Same kiel en Yahoo, oni povas fari serĉon tra la katalogo per du metodoj: per uzo de ŝlosil-vortoj aŭ per esploro de la diversaj kategorioj kaj subkategorioj, laŭ fakaj temoj aŭ laŭ regiona kaj loka intereso en la regiona parto.
[redaktu] Partoprenado en la katalogo
Ĉiuj povas facile proponi aldonon de TTT-ejo en specifa kategoria paĝo, alklakante la ligilon "Aldonu URL-on" supre de la paĝo kaj poste donante la adreson, titolon kaj mallongan priskribon. Atentu ke ne eblas proponi TTT-ejon en la ĉefa enirpaĝo de ĉiuj lingvoj, por instigi la vizitantojn trovi la plej adekvatan kategorion kaj ne lasi al la redaktantoj de la katalogo la laboron ordigi ĉiujn TTT-ejojn. (Tio funkcias same en Yahoo). Do oni trovu la plej rilatan kategorion al sia TTT-ejo antaŭ proponi ĝin.
[redaktu] Kiel iĝi redaktanto en DMoz
Tiuj kiuj emas partopreni al la evoluo kaj ampleksigo de la katalogo povas fariĝi redaktanto, post elekto de sia plej ŝatata fako aŭ temo. En la esperantlingva parto bona loko por komenci estas la kategorioj pri landoj en la regiona parto. La plejmulto el tiaj kategorioj bezonas redaktanton.
http://dmoz.org/World/Esperanto/Regiona/
[redaktu] Historio
La katalogo estis fondita kiel Gnuhoo [gnuhu], aludante katalogecon ("Yahoo") kaj volontulojn ("GNU"). Tamen, la permesiloj por la kontribuoj ne estis uzataj GNU-e liberaj, kaj, por eviti konfliktojn, la iniciatintoj ŝanĝis la nomon al preskaŭ samsona Newhoo. Estis ankoraŭ polemiko pri la libereco de la enhavo. Fine, Netscape akiris la servilojn kaj rajtojn, verkis permesilon pli akceptata, kaj nomante ĝin DMoz lanĉis ĝin kiel servo parenca al la libera TTT-legilo Mozilo.
[redaktu] Eksteraj ligoj
- La ĉefa eniro de DMoz (angle)
- multlingva parto kun kategorioj en 63 aliaj lingvoj
- La kategorio en Esperanto
- Detalaj informoj en Esperanto
- Informoj anglalingve en la TTT-ejo de Dmoz
[redaktu] Similaj projektoj
- IMDB
- FreeDB
