Open Directory Project
Un article de Wikipèdia, l'enciclopèdia liura.
L'Open Directory Project, abreujat ODP, tanben conegut jol nom de DMOZ (Directory Mozilla), es un annuari web creat en 1998, jos licéncia Netscape Open Directory License. Es gerit per una vasta comunautat d'editors benevòls del monde entièr, cadun estant responsable d'una o mai d'una categoria.
A la fin de febrièr de 2006, l'annuari conten mai de 4,75 milions d'adreças de sitis, classadas dins mai de 700 000 categorias. Mai de 71 000 editors an participat al projècte dempuèi son lançament; prèp de 8 000 son totjorn actius. L'annuari repertoria de ressorsas dins 78 lengas.
L'ODP es entièrament gratuït. L'ajust d'un siti novèl e l'utilizacion de las donadas costan pas res. Las donadas pòdon èstre telecargadas e utilizadas gratuitament, mejançant lo respècte de la licéncia e l'ajust del còdi HTML d'atribucion.
De nombroses sitis utilizan las donadas de l'ODP, en complement d'autres servicis, lo mai conegut estant Google.
