Konfuceo

El Vikipedio

Konfuceo (latine Confucius, latinigo de la ĉina nomo Kǒngfūzǐ (孔夫子) [khung fu tsõ], ekzistas pluraj transskribmanieroj) estis grava ĉina filozofo, kies ideoj, nomataj konfuceismo, profunde influis multajn aziajn kulturojn.

Certe konataj historiaj faktoj pri Konfuceo estas malmultaj. Verŝajne li estis pli juna samtempano de Laozio, vivanta dum la jaroj 551–479 a. Kr.

Laŭ la tradicio, Konfuceo naskiĝis en la ĉina ŝtato Lu kiel filo en malriĉa nobela familio, ĵus fuĝinta el la ŝtato Song. Kiam li havis tri jarojn, liaj gepatroj mortis, kaj li pasigis siajn infanajn jarojn en medio tre malriĉa.

[redaktu] En Esperanto aperis

Analektoj de Konfuceo, tradukis WANG Chongfang, Pekino: Ĉina Esperanto-Eldonejo, 1996.

Kolekto de diroj kaj faroj de Konfuceo kaj liaj disĉiploj, kiuj prezentas la vidpunktojn de Konfuceo pri politiko, filozofio, edukado, literaturo, arto, etiko, principoj de morala konduto.

Ilustritaj gravaj eventoj en la vivo de Konfuceo, kompilis HOU Jueliang, tradukis ZOU Guoxiang, Pekino: Ĉina Esperanto-Eldonejo, 1998.

[redaktu] Vidu ankaŭ

Teksto de SU Yijun pri Konfuceo
Eldiroj de Konfuceo