Heinrich Isaac
El Vikipedio
Heinrich ISAAC (naskiĝis ĉirkaŭ 1450, mortis la 26-an de marto 1517) estis komponisto. Li rigardiĝis kiel unu el la plej signifaj samtempuloj de Josquin Des Prez.
[redaktu] Vivo
Malmulte estas konata pri la frua vivo de ISAAC, sed estas probable, ke li naskiĝis en Flandrio. Estas sciate, ke li estis verkanta muzikon de la meza 1470-aj jaroj, kaj la unua dokumenta referenco al li estas el 1484, kiam li estis korta komponisto ĉe Innsbruck. La sekvan jaron li eniris la servon de Lorenzo de Mediĉi ĉe Florenco, kie li estis orgenisto, ĥora majstro kaj instruisto al la gefiloj de Lorenzo. De 1497, ISAAC estis en la dungo de Imperiestro Maximilian la 1-a. Li vojaĝis larĝe en Germanio, kaj estas atribuata al li granda influo al germanaj komponistoj de la tempo. ISAAC revenis al Florenco en 1514 kaj mortis tie en 1517.
[redaktu] Verkoj
ISAAC komponis larĝan varion de muziko, inkluzive de mesoj, motetoj, germanaj and italaj kantoj kaj instrumenta muziko. Li estis unu el la plej fekundaj komponistoj de sia tempo, sed lia verko estis larĝe malatentata en favoro de Josquin (kvankam la komponisto Anton Webern verkis sian tezon pri ISAAC). Lia plej bone konata verko estas probable la kanto Innsbruck, ich muss dich lassen, de kiu li faris minimume du versiojn. Estas eble, tamen, ke la melodio mem ne estas de ISAAC, kaj nur la muzikigo estas originala. La sama melodio estis poste uzata kiel la temo por la Lutera koralo O Welt, ich muss dich lassen, kiu estis la bazo de verkoj de Johann Sebastian Bach kaj Johannes Brahms. ISAAC ankaŭ verkis almenaŭ 40 mesojn ordinarajn.
Mortante, Isaac lasis sian Choralis Constantinus nekompleta. Ĝi estas la unua konata kompleta muzikigo de la Deco de la Meso por la tuta jaro, enhavis ĉirkaŭ cent muzikigojn. Ludwig Senfl, lernanto de ISAAC, kompletis la serion, sed ĝi ne eldoniĝis ĝis 1555, post lia morto.
