Didaktiko
El Vikipedio
Didaktiko (el la greka didaskein = lerni, instrui) estas pedagogia disciplino pri teorio de lerneja instruado.
Sisteman didaktikon verkis Komenio, kiu okupiĝis ne nur pri instruado en la lernejo, sed ankaŭ pri morala edukado en la familio. En postaj jarcentoj la nocio de didaktiko limiĝis je teorio de instruado laŭ aĝoj, celoj, metodoj kaj organizaj formoj. Didaktiko de unuopaj stud-objektoj estas nomata metodiko, sed ekzistas didaktikoj de unuopaj lernej-tipoj (didaktiko de infanĝardeno, didaktiko de elementa lernejo, didaktiko de faka lernejo, didaktiko de helpa lernejo, didaktiko de blindula lernejo, didaktiko de lingvolernejo ktp.)
