Cifereca biblioteko

El Vikipedio

Cifereca biblioteko (aŭ virtuala aŭ diĝita aŭ elektronika biblioteko) estas kolekto de libroj, tekstoj, filmoj kaj sonregistroj en elektronika formo, kiuj estas kutime atingeblaj sur KD-ROM aŭ en la interreto.

La cifereca biblioteko plej ofte entenas jam kopiliberajn tekstojn aŭ tekstojn kun permesoj. Ĝi povas esti ĝenerala aŭ faka kaj plej ofte ŝtate financita.

[redaktu] Cifereca biblioteko de la Eŭropa Komisiono

Eŭropa Komisiono planas publikigi en la reto milionojn da tekstoj en diversaj lingvoj.

Vidu http://europa.eu.int/eur-lex/lex/LexUriServ/LexUriServ.do?uri=COM:2005:0465:FIN:EN:HTML

(Rimarko: sufiĉas la literojn EN antaŭ HTML anstataŭigi per kodo de via lingvo kaj vi trovos la tekston en via gepatra lingvo, se vi estas Eŭropano).

Estas grave, ke en la projekto ne manku nia Esperanto-kulturo. Estus bona omaĝo de la 120-jara jubileo en 2007, se ni povus fieri per elektronikigo de nia kultura heredaĵo.

Dum la pasintaj 120 jaroj aperis dekmiloj da libroj, kiuj konserviĝis en plej grandaj bibliotekoj (Vieno, Roterdamo, Aalen k.s.), sed por plejparto de novaj junaj esperantistoj ili estas neatingeblaj, kvazaŭ ili ne ekzistus. Ankoraŭ pli validas tiu aserto pri nia gazetaro. En ĝi troviĝas veraj trezoroj (beletraj kaj fakaj), pri kiuj ofte eĉ mankas indikoj, ĉar nur pri enhavo de malmultaj gazetoj ekzistas supervidoj. La juveloj estas tie kaŝitaj kiel oro sub la tero.

Elektronikigo povus elfosi ilin kaj denove disponigi al la tuta esperantistaro. Nesisteme multaj esperantistoj jam laboras pri tiu tasko, kies rezultojn kolektas Don Harlow en sia retejo http://donh.best.vwh.net/Esperanto/Literaturo/literaturo.html sed la tasko meritus pli sisteman laboron kaj gvidadon.