Aktuario
El Vikipedio
Aktuario estas asekura matematikisto. Per statistikaj aŭ probabloteoriaj metodoj, li aŭ ŝi klopodas prognozi estontajn monfluojn, kalkuli premiumojn aŭ pagojn de asekuro aŭ financajn rezervojn, kiujn asekura kompanio bezonas.
En kelkaj landoj, aktuario estas nomo rezervita al tiuj matematikistoj, kiuj – post trapaso de ekzamenoj pri asekura matematiko, ekonomiko, informadiko, juro ktp. – membras en la landa aktuaria asocio.
La internacia asocio de aktuarioj nomiĝas IAA/AAI (International Actuarial Association/l’Association Actuarielle Internationale ).
[redaktu] Aktuarioj kaj Esperanto
Laŭ la Enciklopedio de Esperanto de 1934 (kapvorto "Aktuaroj"), la internacia organizo de la aktuarioj plurfoje okupis sin pri Esperanto kaj en 1931 aperigis fakan vortareton en Esperanto, la angla, franca kaj germana lingvoj.
[redaktu] Aktuaristika vortaro
- E. Sós: Dictionnaire Actuariel (1931, Eo, D, En, F)
