Артемьев Александр Спиридонович
Материал из Wikipedia.
Артемьев Александр Спиридонович, — прозаик, сăвăç, литература критикĕ, тăлмач. 1924 çулхи авăн уйăхĕн 14 Етĕрне уесĕн (халĕ Чăваш Енĕн Элĕк районĕ) Тури Вылă ялĕнче çуралнă. 1998 çулхи çурла уйăхĕн 5 Шупашкарта вилнĕ.
1951 çултанпа СССРăн ÇП шутне кĕрет, 1980 çулта Чăваш АССРăн халăх çыравçи ятне панă. Тăван Вăрçин 1 степеньлĕ орденне тивĕçлĕ пулнă. Литературăра тăрмăшса ĕçленĕшĕн «Хисеп палли» тата «Халăхсен туслăхĕн» орденĕсене тивĕçлĕ пулнă.
[тӳрлет] Пурнăçĕ
Хĕрлĕ Чутай районĕнчи Штанашри вăтам шкулта, А. М. Горький ячĕпе хисепленсе тăракан Литература институчĕнче вĕреннĕ. Тăван ялĕнчи вулав пӳрчĕн заведующиĕ, «Ялав» журналăн литература сотрудникĕ, «Тăван Атăл» журналăн редакциĕн яваплă секретарĕ пулса ĕçленĕ. Тăван Çĕршывăн Аслă Вăрçине хутшăннă, фашисла Германипе тата Японипе çапăçнă.
[тӳрлет] Ĕçĕсем
Пултарулăхăн малтанхи çулĕсенче сăвăсем çырнă. Кĕвĕçĕсем унăн сăввисем çине юрăсем хывнă: «Ах, пĕлесчĕ», «Çуралнă çĕршыв», «Салампи юрри», тата ыттисем. Александр Артемьев литература критики тĕлĕшĕнче те тăрăшса ĕçленĕ.
Пичĕтленнĕ кĕнекесем:
- «Ан авăн шĕшкĕ» (1950);
- «Салампи» (1956, 1960, 1966, 1983);
- «Улма йывăç авăнать» (1958);
- «Тăвăл умĕн» (1975);
- «Юлашки юрă» (1981);
- «Пурнăç чăнлăхĕпе писатель ăсталăхĕ» (1984);
- «Суйласа илнисем» (икĕ томлă, 1986);
тата ыттисем.
Александр Артемьев чăваш чĕлхи çине çак авторсен произведениĕсене куçăрнă: А. Пушкин, М. Лермонтов, И. Тургенев, Л. Толстой, И. Гёте, тата ыттисем.
