Сідзячы Бык
Зьвесткі зь Вікіпэдыі — вольнай энцыкляпэдыі.
Сідзячы Бык (на мовах сіў: Tatanka Iyotake, альбо Tatanka Iyotanka, альбо Ta-Tanka I-Yotank) (каля 1831 – 15 сьнежня 1890) — шаман, лідэр індэйцаў ханкпапа (галіна індэйцаў сіў), натхняльнік бітвы пры Малым Бігхарне 25 чэрвеня 1876, у якой 1200 індэйцаў сіў і чыенэ разьбілі войскі амэрыканскіх уладаў. Гэтая бітва лічыцца адной з найзначнейшых перамогаў індэйцаў.
Пасьля доўгі час хаваўся разам з племенем на тэрыторыі Канады. 20 ліпеня 1881 здаўся амэрыканскім уладам. Яму абвясьцілі амністыю. Пэўны час выступаў з Шоў Дзікага Захаду Біла Коды. Калі яго прасілі зьвярнуцца да глядачоў, ён праклінаў іх на роднай мове.
У 1890 улады загадалі арыштаваць яго па падазрэньні ў здрадзе. У бойцы пры арышце Сідзячы Бык і ягоны сын загінулі.
