Verdura
De Uiquipedia
Les verdures son hortalices nes que la parte comestible son los muérganos verdes de la planta como los tallos o les fueyes. Ente esti tipu d'hortalices alcontramos a l'acelga y a la lechuga. Dientro del grupu de verdures tamién s'inclúin les llegumes verdes de les que se puen xintar les sos simientes entá non maúres como son los arbeyos y les fabes.
Les verdures son persaludables porque mos aporten munchos micronutrientes qu'actúen como antioxidantes y mos protexen de delles enfermedaes cróniques tanto cardiovasculares como canceríxenes, como'l cáncanu de próstata y cáncanu de colon.
Les verdures alcuéntrense nel segundu nivel fundamental de la pirámide de los alimentos. Amás d'aportar micronutrientes, aporten hidratos de carbonu d'absorción lenta y fibra dietético. Habríen de xintase de cinco a seyes porciones de verdura al día, siendo la equivalencia d'una porción de verdura a media taza de vexetales verdes cocinaos o enllataos, a una pataca o a una cenadoria.
