Simón Bolívar

De Uiquipedia

Simón Bolívar (24 de xunetu de 1783 - 17 d'avientu de 1830) foi un cabezaleru políticu d'América latina. Lluchó pola independencia de los territorios baxo dominiu español que güei formen Venezuela, Colombia, Ecuador, Perú, Panamá y Bolivia. Reverenciado anguaño como héroe nestos países y en bona parte del restu d'América latina.

[editar] Primeros años de vida

Bolívar naz en Caracas (güei capital de Venezuela) nuna familia aristocrática, educáu por dellos tutores, ente los que destaca Simón Rodríguez, que inflúi munchu nes sos idees.

A la muerte los sos padres, cola pa España en 1799 pa completar la so educación. N'España cásase con María Teresa Rodríguez del Toro y Alaysa en 1802, quien, nuna breve visita a Venezuela, muerre de fiebre mariella en 1803. Bolívar regresa pa Europa en 1804 onde axúntase al séquitu de Napoleón Bonaparte.

[editar] El llibertador

Bolívar torna pa Venezuela en 1807. Cuando Napoleón convierte a Xosé en rei d'España y de les sos colonies en 1808, Bolívar pasa a participar nes xuntes de resistencia d'América. La xunta de Caracas declara la independencia en 1810, y Bolívar marcha pa Inglaterra nuna misión diplomática.

Vuelve a Venezuela en 1811. En xunetu de 1812, el cabezaleru de la xunta, Francisco de Miranda ríndese, y Bolívar tien que fuxir pa Cartaxena d'Indies. Ye ehí au Bolívar escribe'l Manifiestu de Cartaxena .

En 1813 llidera la invasión de Venezuela. Entra en Mérida el 23 de mayu, siendo proclamáu El Libertador ("el llibertador"), algama Caracas el 6 d'agostu y proclama la segunda república Venezolana. Pasa, entós, a comandar les fuerces nacionalistes de Colombia , capturando Bogotá en 1814. Mentantu, depués de dalgún contratiempu militar, Bolívar ye obligáu a fuxir, en 1815, pa Xamaica onde pide aída al cabezaleru Haitíanu Alexander Sabes Petión.

En 1816, concedida esa aída, Bolívar regresa al combate, desembarcando en Venezuela y capturando Angostura (güei, Ciudá Bolívar).

[editar] El Integrador

En 1826, Bolívar intenta promover la integración continental al convocar el Congresu de Panamá. Aconceyen representantes de Colombia, Guatemala, México, Perú y de Estaos Uníos. Yera l'entamu de les Conferencies Panamericanes.

Bolívar tuvo munches dificultaes pa alministrar la nomada Gran Colombia. Durante l'añu 1826 delles revueltes asocediéronse en Venezuela, y, a pesar de la amnistía y del arraigu del gobiernu cola participación de los rebeldes, xorreció la disidencia política na rexón de Nueva Granada.

Bolívar proclamose dictador en 1828, a pesar de creer que sería una midida provisional. Sofrió una tentativa d'asesinatu en setiembre de 1828 y, magar que frustráu, esti acontecemiento afectó-y el restu de la so vida.

Bolívar renunció a la presidencia el 27 d'abril de 1830. Nesti mesmu anu, morrió de tuberculosis en Santa Marta, Colombia.