República Xunida de Tanzania
De Uiquipedia
|
|||||
| Lema nacional: Uhuru na Umoja (Suahili; Llibertá y Unidá) |
|||||
| Himnu nacional: Mungo Ibariki Afrika | |||||
 |
|||||
| Capital • Población • Coordenaes |
Dodoma (Dar es Salaam) 324.347 [1] |
||||
| Principal ciudá | Dar es Salaam | ||||
| Idiomes oficiales | suahili, inglés | ||||
| Forma de gobiernu
Presidente
Primer Ministru |
República Jakaya Mrisho Kikwete Edward Lowassa |
||||
| Independencia Unificación |
Tanganica: 9 d'avientu de 1961 Zanzíbar : 10 d'avientu de 1963 26 d'abril de 1964 |
||||
| Superficie • Total • % agua Llendes Costes |
Puestu 30º 945.090 km² |
||||
| Población • Total • Densidá |
Puestu 32º 38.329 20 hab./km² |
||||
| PIB • Total (2005) • PIB per cápita |
Puestu 97º 12.167 millones $ 260 $ |
||||
| Moneda | xilín ( o chelín ) tanzanu TZS | ||||
| Xentiliciu | tanzanu -a | ||||
| Fusu horariu • en branu |
UTC +3 |
||||
| Dominiu Internet | .tz | ||||
| Códigu telefónicu | +2551 |
||||
| Prefixu radiofónicu | |||||
| Códigu ISO | |||||
| Miembru de: Commonwealth, ONU, UA | |||||
| 1007 dende Kenya y Uganda | |||||
Tanzania ye un país allugáu na costa oriental del este d'África. Llenda con Kenya y Uganda al norte, con Ruanda, Burundi y la República Democrática del Congo al oeste, con Zambia, Malawi y Mozambique al sur y col Océanu Índicu al este, onde s'alcuentra l'archipiélagu de Zanzíbar.
El país, qu'ocupa una superficie de 945.087 km², ye'l resultáu de la unión de l'antigua colonia de Tanganica y del sultanáu de Zanzíbar, alministraos entrambos pol Reinu Uníu hasta principios de los años 1960. El nome de Tanzania ye'l resultáu d'amestar el d'eses dos entidaes.
Oficialmente, y dende 1996, la capital ye la ciudá de Dodoma, allugada nel centru del territoriu. Sicasí, la sede de bien d'organismos oficiales sigue tando na ciudá portuaria de Dar es Salam, que ye per otra parte'l principal centru económicu.
Tanzania cuenta alredor de 35 millones d'habitantes, principalmente bantús. Les llingües oficiales son el suahili y l'inglés, anque tamién se fala árabe nes islles de Zanzíbar.
Tabla de conteníos |
[editar] Organización político-alministrativa
Tanzania ta compuesta por 25 rexones (ente paréntesis el nome de les capitales)
- Arusha (Arusha)
- Dar es Salaam (Dar es Salaam)
- Dodoma (Dodoma)
- Iringa (Iringa)
- Kagera (Bukoba)
- Kigoma (Kigoma)
- Kilimanjaro (Moshi)
- Lindi (Lindi)
- Manyara (Babati)
- Mara (Musoma)
- Mbeya (Mbeya)
- Morogoro (Morogoro)
- Mtwara (Mtwara)
- Mwanza (Mwanza)
- Pemba Norte (Wete)
- Pemba Sur (Mkoani)
- Pwani (Kibaha)
- Rukwa (Sumbawanga)
- Ruvuma (Songea)
- Shinyanga (Shinyanga)
- Singida (Singida)
- Tabora (Tabora)
- Tanga (Tanga)
- Zanzibar Central-Sur (Koani)
- Zanzíbar Norte (Mkokotoni)
- Zanzíbar urbanu -oeste (Zanzíbar)
A pesar de la unificación, Tanganica y Zanzíbar caltienen sistemes llegales estremaos, dándose'l casu de que ye neceario pidir la estradición pa treslladar presos d'una zona a la otra. Les lleis vixentes en Tanganica tán basaes nel sistema xurídicu británicu, mientres que nel casu de Zanzíbar ye sensible la influyencia de la xaria. Per otra parte, Zanzíbar tien un gobiernu autónomu propiu, conompuesto por un Conseyu Revolucionariu y una Cámara de Representantes.
[editar] Xeografía
La parte continental de Tanzania representa la mayor parte del territoriu nacional. Tres llagos formen en bona parte les sos fronterers naturales: el llagu Victoria, que la separa d'Uganda, el llagu Tanganyka (ente Tanzania, Burundi y la República Democrática del Congo ) y el llagu Malawi (compartíu por Tanzania, Malawi y Mozambique).
La parte noroeste del país destaca'l monte Kilimanjaro, el más altu del continente africanu con 5.895 m d'altor.
La parte insular ta formada principalmente por de tres islles allugaes nel Océanu Índicu, a 40 km de la costa: Zanzíbar (o Unguja ), Pemba y Mafia. A estes tres islles hai qu'amestar otres 50 de menor tamañu.
Tanzania cuenta con varies zones protexíes, como los parques naturales de Seregenti, de Tarangire, del llagu Manyara, del Kilimanjaro y de Ruaha y les reserves naturales de Ngnorongoro y Selous.
[editar] Historia
Tanganica, la parte continental del país, foi una colonia alemana dende la década de 1880 hasta 1919, en que pasó al poder del Reinu Uníu como consecuencia de la derrota d'Alemaña na Primera Guerra Mundial. Zanzíbar, la parte insular, yer un sultanáu independiente, que se convirtión en protectoráu británicu pela mesma época.
Tres de la so independencia algamada en 1961 y 1963 respectivamente, les dos entidaes axuntáronse pa formar la República Unida de Tanzania. Según los alcuerdos d'esta aunión, cuando'l Presidente de la República ye orixinariu del continente, el vicepresidente ha de ser nativu de Zanzíbar.
El primer Presidente de Tanzania foi Julius Nyerere, cabezaleru del Chama cha Mapinduzi (Partíu de la Independencia).
Nyrere, que se conservó nel poder hasta 1985, llevó a cabu la política conocida como Socialismu africanu o Ujamaa (unidá o familia en suahili) y basada nos principios de la solidaridá, la autosuficiencia y el partíu únicu.
Tres de 24 años nel poder, Nyerere retiróse de la vida política. El so socesor, Ali Hassan Mwinyi afondó na política d'apertura progresiva del país, entamada por Nyrere nos últimos años del so mandatu.
Les primeres elecciones multipartidistes de 1995 dieron la victoria a un discípulu de Nyerere, Benjamin William Mkapa, que foi reelixíu en 2000.
Mkapa hubo de facer frente a importantes dificultaes como la crisis económica, la epidemia de de SIDA, la llegada de refuxaos de Burundi, los brotes indpendentistes en Zanzíbar o los atentaos contra les embaxaes estaunidenses en Dar es Salaam y Nairobi (Kenya) en 1998.
Tres de les elecciones d'avientu de 2005, Jakaya Kikwete convirtióse nel cuartu Presidente de la República dende la creación de Tanzania.
[editar] Gobiernu y política
[editar] Demografía
Na parte continental conviven cerca de 120 etnies diferentes, anque la mayoría pertenecen al grupu bantú. Les principales son los Sukuma (alredor 15% de la población), los Gogo (4%), los Haya (3,5%) y los Tumbuka (3%). La población non africana (europeos, asiáticos y árabes) representa menos del 1% del total. Les principales relixones son el cristianismu (45%), l'islam (35%) y los cultos animistes (20%).
Nes islles los principales grupos étnicos son los Washirazi (norte de Zanzíbar) y los Wahadimu (centru y sur de Pemba). Sicasí, la población ta mui mezclada nel archipiélagu pola mor de les importantes migraciones vinientes d'Asia y del restu d'África nel trescursu de los sieglos. La inmensa mayoría de la población de les islles ye de confesión musulmana.
La esperanza de vida ye de 46 años y la tasa de mortalidá infantil de 104,4 por 1.000.
[editar] Cultura
[editar] Llingües
En Tanzania fálense una gran cantidá de llingües pudiendo dicise que cada etnia dispón d'un idioma propiu.
La mayor parte d'estes llingües (sukuma, gogo, haya, tumbuka, nyamwezi, makonde) formen parte del grupu bantú. Delles otres tán incluyíes nel familia grupu nilo-saharianu (maasai), el khoisan (Sandavés), el cuxiticu (gorowa y iraqw). El guyaratí, faláu por una etnia orixinaria de Paquistán ye una llingua del grupu indoariu.
La mayor parte de los habitantes de Zanzíbar falen el suahili, tamién conocíu equí col nome de kiunguja .
La inmensa mayoría de los habitantes de Tanzania usa primero la so llingua materna, y como llingua vehicular el suahili. L'inglés, que tien l'estatutu de llingua co-oficial, sigue usándose nes universidaes y en dellos servicios alministrativos, anque malapenes lu fala'l 4,5% de la población. En Zanzibar, l'usu de la llingua árabe limítase al cultu musulmán.
[editar] Música y baille
La música y el baille tienen una gran vitalidá, y la so fama estiéndese pelos otros países del África Oriental.
L'artista más conocíu ye Remmy Ongala y la orquesta Super Matimila, d'enorme popularidá. El so estilu musical foi bautizáu como "ubongo beat", a partir d'una palabra suhaili que significa "cerebru". Pue definise como una canción-protesta basada en ritmos como'l suk zaireñu y la música caribeña.
En Zanzíbar hai una tradición poética y musical propia, el taraab, na que destaquen Siti Bint Saad, la primer cantante africana en realizar una grabación, en 1928 y Bi Fatuma Binti Baraka, conocida como Bi Kidude ("Doña pequeñina"). Les orquestes de taarab suelen tar compuestes de violines, un ud, un qanun y incorporen percusiones asiátiques y teclaos occidentales.
[editar] Gastronomía
La gastronomía tanzana ye enforma asemeyada a la de Kenya. Como nesti país, el platu más conocíu ye'l nyama choma (carne a la parrilla).
Na marina y les islles hai una gran variedá de platos a base de mariscu.
Tamién Abonden nel país frutes tropicales como la papaya, el mangu, la piña o'l cocu.
Les bebíes más populares son la cerveza Safari Leger, el konyagi, (llicor asemeyáu al ron blanco), l'afrikoko (llicor de chicolate y cocu )y el vinu dodoma.
[editar] Patrimoniu
La ciudá de Zanzíbar ta inscrita na llista del Patrimoniu Mundial de la UNESCO, al ser una de les ciudaes comerciantes suahilis meyor conservaes d'África oriental. Nel paisaxe urbanu pue apreciase la fusión d'elementos africanos, árabes, indios y europeos.
[editar] Lliteratura
La tradición poética suahili ye heredera d'una doble tradición, la cultura africana y l'islam. En munchos casos, la llingua poética dispón de dos palabres, una en suahili y otra n'árabe pal mesmu conceptu: mapenzi y mahaba (amor), pwaa y bahari (mar)...
La poesía ocupa un llugar importante na vida cultural tanzana, y ye frecuente que los peródicos publiquen poemes de los llectores sobre los temes más variaos.
[editar] Cine
Anque nun se pue falar d'una cinematografía tanzana, el cine xuega un papel importante na cultura tanzana, con acontecimientos como'l Festival de cine de Zanzíbar.
Delles películes rodaes en Tanzania, aborden dellos aspectos problemáticos de la vida del país.
Surrender escritua por Kiza Kahama y dirixida por Nasra Hillal trata de les dificultaes de los homosexuales na islla de Zanzíbar.
La polémica película Darwin'ns nightmare (la velea de Darwin) de Hubert Sauper rodada en Tanzania nel añu de 2004, denuncia los efectos perversos de la globalización, a traviés del exemplu del comerciu de la perca del Nilo nel llagu Victoria.
[editar] Economía
Con una renta per capita anual de 220$, Tanzania ye un de los diez países más probes del mundu. El 40% de la población nun dispón d'accesu a la electricidá y el 40% al agua potable. Sicasí la estabilidá política de los últimos años permitió un crecimientu, moderáu pero constante, de la so economía. Ente los factores qu'ayudaron a esti crecimientu destaquen l'apertura de la mina d'oru de Bulyanhulu (2001), que convirtió a Tanzania nel tercer país productor d'esti metal n'África, y la inauguración en 2004 de songosongo, una planta de gas natural.
El sector más importante ye l'agricultura, que representa cerca del 60% del PNB, constitúi'l 85% de les esportaciones y emplega al 80% de la población activa.
Les principales producciones son la mandioca, el maíz, el plátanu, el coco, l'algodón, el café y el sisal. La cabaña ganadera ta compuesta esencialmente por bovinos, caprinos y porcinos.
Na producción pesquera destaquen los pexes d'agua dulce, destinaos principalmente a la exportación, como la perca del Nilo.
El sector industrial, lligáu principalmenta a la tresformación de productos agrícoles representa un 10% del PNB .
Con varios parques naturales, playes y arrecifes de coral, Tanzania dispón d'un gran potencial turísticu .
[editar] Enllaces esternos
| África |
| Angola | Arxelia | Benin | Botsuana | Burkina Faso | Burundi | Cabu Verde | Camerún | Chad | Congo | Costa de Marfil | Eritrea | Etiopía | Exipto | Gabón | Gambia | Ghana | Guinea | Guinea-Bissáu | Guinea Ecuatorial | Islles Comores | Islles Seychelles | Keña | Lesotho | Liberia | Libia | Madagascar | Malaui | Malí | Marruecos | Mauricio | Mauritania | Mozambique | Namibia | Níxer | Nixeria | República Centroafricana | República Democrática del Congo | República Surafricana | República Xunida de Tanzania | Ruanda | Santu Tomás y Príncipe | Senegal | Sierra Leona | Somalia | Sudán | Suazilandia | Togo | Túnez | Uganda | Yibuti | Zambeze | Zimbabue
Posesiones: Ceuta | Europa | Islles Canaries | Islles Kerguelen | Madeira | Mayotte | Melilla | Reunión | Sahara Occidental | Socotra | Tromelin |
