Euronews
De Uiquipedia
Euronews ye un canal de televisión européu dedicáu a les noticies.
Puede recibise, por satélite, en toa Europa y nel norte d'África, y, pola televisión por cable, en buena parte del mundu (102 países), n'especial en Norteamérica. Euronews tamién emitese al traviés de dalgunos canales nacionales a ciertes hores del día.
Euronews foi escoyida pola Unión Europea (UE) pa tratar temes relativos a les instituciones de la mesma -tien que dedica-y a ello a lo menos una décima parte del so tiempu d'emisión- y a Europa en xeneral. N'esti sentíu tien una misión de serviciu públicu europeu, y recibe una subvención anual de cinco millones d'euros.
El consorciu Euronews, fundose en 1992, reune doce cadenes nacionales: RTVE (España), France Télévisions (tres cadenes de Francia), RAI (Italia), RTP (Portugal), RTBF (Bélxica), TMC (Mónaco), YLE (Finlandia), ERT (Grecia), CYBC (Chipre) y ERTV (Exiptu). La sede allugase en Lyon (Francia).
La idega de facer una cadena europea de noticies xurde en 1991, cuando la cobertura exclusiva de la Guerra del Golfu pola cadena estaunidense de noticies CNN puso de manifiestu la hexemonía d'esti país y polo tanto el retrasu européu nel dominiu de la información televisiva internacional.
Otres cadenes axuntaronse al proyeutu: CT (Chequia), ENTV (Arxelia), ERTT (Túnez), PBS (Malta), RTÉ (República d'Irlanda), RTVSLO (Eslovenia), RTR (Rusia), SSR-SRG (Suiza) y TVR (Rumanía). La británica ITN participa nel conteníu de les emisiones.
Les emisiones entamaron el 1 de xineru de 1993.
Emite en siete idiomes: castellanu, italianu, francés, alemán, inglés, portugués (dende 1999) y rusu (dende 2001), veinticuatro hores al día. Durante un añu emitió tamién n'árabe.
[editar] Información
Anque l'idioma puede camudase, son les mismas imáxenes pa tolos europeos. Los sos bloques informativos son de 30 minutos, y divídense nas siguientes categoríes:
- News: son les noticies d'ámbitu xeneral.
- Sport: noticies deportives.
- Europa: noticies y información al rodiu de la UE.
- Europeans: reportaxes al rodiu de los ciudadanos de la UE y países vecinos.
- Le Mag: reportaxes y noticies de moda, tendencies...
- Pass: cuestiones europees.
- No comment: enseña imáxenes ensin comentarios.
- Meteo: información meteorolóxica.
- Prespectives: nos fines de selmana, enseña cómo se comenta una mesma noticia en diferentes países europeos (normalmente apaez TVE, RAI y televisiones de Francia y Suiza).
[editar] Enllaces esternos
| Cadenes de televisión del consorciu Euronews | |
| Radiotelevisión Española | France Télévisions | RAI | Radio y Televisión de Portugal | Radiotelevisión Belga-Francófona | TMC | YLE | ERT | CYBC | ERTV | CT| ENTV | ERTT | Radiotelevisión de Rusia | SSR-SRG | PBS | Radio Telefís Éireann | RTVSLO | TVR | ITN | |
