Pohjola
Us der alemannische Wikipedia, der freie Dialäkt-Enzyklopedy
Pohjola isch ä Gägend i dr Finnischi Mythologi, wo sich uf Pohja (dr Norde), d'ganzi Polar-Region, un uf s'Land vo dä Saami bezieht.
I dr Realität isch Pohjola ä teil vo Lapland unem antike Kainuu. Pohjola isch abr au ä komplet mütischer Ort, dr Urschprung vum Böse un ä ewig chaltes land im Norde. Chrankheit un Froscht solle us däre gegend chomme. Pohjola isch dr Feind vo Väinölä.
I dr Mythologi isch d'Herrscherin vo Pohjola Louhi, ä bösi Hex mit vyl Macht. Dr Schmydt Seppo Ilmarinen hät Sampo uf ihre Wunsch hin gschmydet, im gegezug hätter d'tochter vo Louhi ghürôtet. Sampo isch ä magischi Mühle wo überfluss füer d'Bewohner vo Pohjola bringe tut, syn Deggel isch abr au s'Sümbol füer dä Himmel.
S'Fundament vur Weltsäule isch i dr Finnischi Mythologi au z'Pohjolo z'finde; grad überem Horizont. Dr meischti Schtoff im Pohjola Mütos dreht sich um s'schmyde vo Sampo, dr Champf vum Volk im Süde um Sampo z bsitze, d'Zerschtörig vo Sampo, un dr Verluscht vo synim Deggel (wo s zerbräche vum Weltbaum sümbolisire söll).
